Ni kabuta te Ekaretia

Te boto n iango n te Miutuo n te ririki aio bon “Teei ngkami n taabo aika tabu ao n aki mwainging” (D&C 87:8). Kairake n ataeinimwaane ao kairake n ataeinaine, te Riaona e bon kakaai tamneimi n tei n taabo aika tabu. Rawetamnei a kona ni kaota nakoimi kabanean am tai ma am utu, ni beku, ni karaoa te mwakuri ni mitinare, ni karao tamnei, kamatebwaia te euangkerio, n neweaba bwain te aonaaba ma arona, ao a bati riki! Aio aron ae kona kanga n anga am tamnei:

• Karekea temanna bwa e na rawea tamneim n tei n te tabo ae tabu.

• Emeeri kabanean tamaroan am tamnei nakon liahona@ldschurch.org.

• Karina am rongorongo tera bukin ae tabu te tabo aio ibukim.

• Inanon am emeeri, taiaoka karina aram ae bwanin,bongi ni bung, aran te uoote ao titeiki (ke te mwaanga ke te mwakoro), ao aia emeeri atureti am karo.

Tamneia kairake ni katobibia te aonaaba a na kaotaki n te rongorongo ae na roko.

N Ritembwa 2012, imwiin karekean te ka 3,000 n titeiki n te Ekaretia i Sierra Leone i Africa Maeao, Unimwaane Jeffrey R. Holland man te Kooram n Abotoro n te Tengaun ma Uoman e karaoa mwanangana ae okoro nakon te mwaanga ae tionako n te Ekaretia i Rabat, Morocco.

N tairikin te Tabati n te taromauri ae onoti, Unimwaane Holland e tibwaua aia tangira taan kairiiri n te Ekaretia ibukiia membwa ni kabane ni kabuta te aonaaba, n aki taraia bwa karakora ni mwaitiia ke raroaia n aia tabo are a mena iai.

“E aki mwaninga te aba taekami, ao ngkami bon mwakoron te mwakuri ae kamiimi ngkai te Uea e kinai ao ni kawaekoa bootakiia Iteraera inanon kabanea ni boong ae korakora aio,” e taku.

N te Tabati, Mwaati 17, 2013, rimwian te botaki ni kaotan katein te aba ao te teniua ni wiiki ni kaneweaba, te Tegucigalpa Honduras Tembora e bon katabuaki i nanon teniua te tetere, are a bon katanoataaki nakon ana iunite ni kabane te Ekaretia i Honduras ao Nicaragua.

Membwa i Honduras, ake a tia ni mwananga n aron are a bon tataneiai iai i nanon tatabeua aoa nakon Guatemala City Guatemala Tembora, a kukurei n noora te moan tembora n te aba ni katabuakaki. Te tembora e bon moan katanoataaki mairouia Moan Beretitentii n Tuun 9, 2006, te reta, ao aontano e katabwenaaki n te tabo ae ngkai n Tebetembwa 12, 2009.

Ni kaania bwanen 2012 Beretitenti Thomas S. Monson e mwananga nako Tiaman ni kaitibo ma kaain te Ekaretia i Hamburg, Berlin, Munich, ao Frankfurt, Tiaman, ao ni kaungaia n irira Iesu Kristo.

“E reirei aron te kabwarabure man kabwaraan te bure,” e tuangiia membwa i Frankfurt. “E reirei aron te nanoanga man karaoan te nanoanga. E reirei aron te taromauri n anga bon Ngaia.”