Mwanangaia Taan Kairiiri ni Kabuta ibukia Kairake n Ataeinaine ao Bootaki n Aine n te Aono n Atia

Ibukin ruabong te bong inanon Nobembwa 2012, Mary N. Cook, te moan kauntira n te beretitentii ni kabuta ibukia Kairake n Ataeinaine, ao Linda S. Reeves, te kauoman ni kauntira n te beretitentii ni kabuta n te Bootaki n Aine, a anga aia kaetieti ao ni kaungaia titita aika kairake ao aika a ikawai ni kabuta ni kabane te Aono n Atia.

Te mwananga e riki n te tai ae titebo ma katanoatakin manga rinanoan aia karikiram te roronrikirake, Nakomai, ao Irirai, ike Kairake n Ataeinimwaane, Kairake n Ataeinaine, ao kiraati n te roronrikirake n te Reirei n Tabati a na moanna ni kamanena n Tianuare 2013. Te karikiram ae boou e karaoaki tamneina ae mataata ni buokiia taan reirei n angareirei riki n ai aron te Tia Kamaiu are e a tia ni karaoa karikirakean te itoman ae korakora riki ma kaain te kiraati.

N rimwiin kawaran te Aono n Atia irouia Titita Cook ao Titita Reeves, a bati te roronrikirake ao aia karo i Atia n iangoia bwa ngkai a kaungaaki riki ni kaitiaki ao ni iangoa riki maiuia ao n riki bwa katoto nakon aia botanaomata n aia tabo.

I Hong Kong, Titita Reeves e berita nakoia te roronrikirake, “Ngkana kam na tiku ni itiaki inanon maiumi, kam kona n tei ma te onimakinaki imataia aomata nako!”

Ni kaungaki man ana taeka, Tang Kak Kei 12-ana ririki e taku imwiin te bootaki, “I ataia bwa I kainnanoia ni wareka ana Boki Moomon ni katoa bong. N reireinai n raira n nano ao ni maiu n ae tamaroa bon ngaia Ibukin Kakorakoraia Kairake e a tia n reireinai ni karaoa Otan Kristo ao te kimwareirei ae koaua e kona ni kaonai.”

I India, Titita Cook e kaitibo ma membwa i nanon te auti ni bootaki ae boou i nanon te Chennai India District ao ma membwa n te Titeiki ae boou i Hyderabad India ao e kauringiia kairake n ikawai ni katauraoia nakon taai aika a na roko. “Katau ngkami n te reirei,” e kaumakiia, “ma rabakauia ni buokiia ni katea abanueana. Taraa am utu ao terana ae ko kona ni karaoia ni kakabwaiaia kaain am utu, ao iaon tauraoim n te tamnei n te aro bwa ko na riki n tau man ana wirikiriki te tamnei bwa ko aonga n ata ae ko na nakea ao tera ae ko na karaoia.”

I Indonesia, Titita Reeves e ira ana moan maungatabu te titeiki n te Titeiki ae boou i Surakarta Indonesia. “Ti namakina tamneia ae nanorinano ao n tangira. Bon membwa aika kakaonimaki!” e taku.

Titita Reeves imwiina e kawara Malaysia, ike e maroro ma te kurubu n aine n te Bootaki n Aine n te rongorongo ae te kabanea ni kakawaki ibukin te Bootaki n Aine ngkai te bootaki i Malaysia ao e kanga te Ekaretia ni kona ni katauraoa te kairiiri ao ana kairi te Tamnei.

I Taiwan, Titita Reeves e anga ana taeka iaon korakoraia ao aia kakaonimaki membwa n te tabo. “Ti rangi ni kukurei n ata maiuia aika kakaonimaki ao kawaran te tembora ae teimatoa. … Tenaan membwa bon katoto aika tangira nakoia raoraoia ao kaain rarikiia,” e taku.