Ma te tai are a kaaina iai te Ekaretia au utu, I a tia n noora te mwaaka are e roko man warekan te Riaona. Bon rinanon taeka aika a korakora aikai are I kaungaki bwa N na karaoa au mwakuri ni mitinare. A mwaiti atun reirei aika maroroakinaki n te mwaekatiin, ma tera te bwai ae kakawaki nakoiu bon ana reirei te Tamnei ae Raoiroi are e reireinai ni katoa te tai are I warekia. E koaua, ti na kainaomataaki—e ngae inanon “aia tabo ara kairiribai” (taraa Boyd K. Packer, “How to Survive in Enemy Territory,” Riaona, Okitobwa 2012, 24)—ngkai ti kamatebwai, wareware, ao ni kammwakura te koaua are e reiakinaki. Te Tia Kamaiu e maiu, te nakoanibonga e bon mena iaon te aba, ao te Atua e bon mena i karawa.

Te Okitobwa 2012 Riaona n aki kaetaki i bukina taian rawetamnei n te karaki “Te Moan Titeiki i Inria ni Barongaki” iaon iteraniba 76–77. Rawetamnei a raweaki iroun Titita Gladys Wigg. Ti kabwarabure ibukin te kairua.

Inanon te Ritembwa 2012 Riaona, te utu ae Vigil, a maroroakina kanoan te rongorongo ae “Bitaki aika Tabu” iaon iteraniba 36, e bwabetitoaki n Tuurai 2010, tiaki Tuun 2011. Teuana naba, Andrea Vigil e bon bungiaki n Turai, tiaki Aokati, 2012.

N te Teachings of Presidents of the Church: Lorenzo Snow, te tamnei i aon te iteraniba 2 e bure taekana. N etina raoi bon tamnein ana karimoa Beretitenti Snow temwaane ae Oliver Goddard Snow. Arona naba n te koroboki iaon iteraniba 28, aran Brigham Young Jr. ao Francis M. Lyman a riai ni kaibibitaki.