Titiraki n te Tembora ao Kaekaia

Tembora n ana Ekaretia Iesu Kristo ibukiia Aika Itiaki ni Boong Aika Kaitira bon tabo aika tabu are ti reiakina iai koaua ae akea tokia ao ni karaoi otenanti aika a tabu.

Te tembora bon te tabo ae rau, karinerine, ao e tikiraoi. Bwai ni kabane i nanon te tembora a itiaki ao a baireaki raoi. Aomatani kabane a bane ni kunnikainia n te mainaina ao a taetae n te bwana ae bebete.

Te buuaine e kona ni kabaeaki nakon kainnabana, ao ataei a kona ni kabaeaki nakoia aia karo. Te kabaebae e kona ni karikia utu bwa a na ikotaki n aki toki. I nanon te tembora, mwaane ao aine naba a karekei bwaintangira ni kakabwaia n te maiu n tamnei ae aranaki bwa te entaumente. A kona naba ni karekei entaumente ao ni kabaeaki ibukia ake a tia ni mate n aki karaoi berita aika tabu n te tembora.

Irarikin te kabaeaki ao te entaumente, otenanti tabeua a karaoaki i nanon tembora. Aomata a kona ni bwabetitoaki ao ni kamataoaki ibukia ake aki reke aia tai ni kaaina te Ekaretia ngke a maiu. Ngkana e koro 12 ao ko tau n rin n te tembora, ko kona ni karekea te tibwanga ni bwabetitoaki ao ni kamatoaki ibukia naake a mate n aki karekea te euangkerio.

Tamara are i Karawa e kinako ao e tangiriko ao am utu. E tangiria aomata ni kabane bwa a na karekei kakabwaia n otenanti n te tembora. Maiuakina ae tau bwa ko aonga n rin n te tembora. Katei kouru ngkai bwa ko na karekea te entaumente ao ni mare n te tembora n te bong teuana. Tamam are i Karawa e na kakabwaiako ao am utu.