Reitaki ma te Uea

Ngke ai 15 au ririki, e a reke nanou iroun te ataeinaine i nanon au kiraati n te reirei ao I kan maroro ma ngaia. E bon botonaine, ma I iangoia ngkana I riai n ni butiia i mwaain ae koro 16 au ririki. I uringa Aramwa 37:37, are e taku, “Reitaki ma te Uea n am waaki ni kabane, ao e na kairiko nakon ae raoiroi.” Ai ngaia are anne ae I karaoia. I tataro ao n tataninga i nanon boong aika bati ibukin ana kaeka te Uea i mwaain ae I karaoa au babaire.

N te bongina n te taromauri, au bitiobi e weteai bwa N na rinnako i nanon te ru ao e kaoai bwa N na taetae n te Taabati are i mwiina. Keetinna bwa terana te taobiki? Tai maroro ni karokoa ae e na aki kee am ririki iaan te 16. I namakinna bwa aio bon ana kaeka te Uea nakoiu, ao te kaeka bon tiaki. N na kangaara n reirei te bwai teuana ae I aki karaoia?

Ibukina bwa I a tia n reitaki ma te Uea, I a bon kona n reiakina ana kantaninga te Uea ibukin maiu ao n totokoa naba te kaririaki. I ataia bwa ngkana ti reitaki ma te Uea, E na tuangiira Ana kantaninga ao ti na bon kakabwaiaaki n ae korakora.