Rinean te Mwakoro ae Tamaroa riki

N te bong teuana Zoltán Szücs mai Szeged, Hungary, e kakubanakoa ana tia reirei n te takakaro ae te kaiakiing n tuangnga bwa e na aki nako Germany ibukin te kaboo.

“E na boo n te bong are N na bwabetito iai ai ngaia are I atonga tiaki,” e taku Zoltán .

N ana ririki 17, Zoltán e a tia n tokanikai ni kaboo aika bati i aon te kaiaking. Bon te takakaro ae e tatangiraki i Hungary, ao Zoltán e bon rabakau—e tau rabakauna ni kona n riki bwa te burobetinoro ao e na bon kona. N riaon baireana n aki ira tii teuana te kaboo, Zoltán e na wakoa ni kabwanina katokan te kaiaking. Iai te bwai ae tamaroa riki ae na karaoia.

Te kaiaking e a tia n tamaroa ibukin Zoltán. N ririki are e a tia ni mwakuri ma ana kouti, e a tia n reireinna te kona ni bairea nanona, ongotaeka, ao te mwakuri korakora. Zoltán e a tia n reireinna n totokoi bwaai ao anua ake a na roota arona ni karaoa ana takakaro. Bon tiaki te maiu ae e bebete;e bon kakamaroa, ao n riki bwa te burobetinoro e na kamanena te tai riki ae bati. Taan takakaro aika burobetinoro a kataneiai 12 te aoa n te bongina ao ni kaboo n te Taabati.

“Te kaiaking e ana angiin au tai,” e taku Zoltán. “I bon tatangiria. Ibukin anne, I a katikui bwaai aika bati man maiu.”

Anne bukina Zoltán e baireia bwa e aki kona ni kabanea ana tai nakon te euangkerio ao te kaiaking. I nanon 2004 e tuanga ana kouti bwa e aki manga karaoa te kaiaking riki.

Ni moan riki te ririki anne mitinare a moana te anga reirei nakon tinan Zoltán. E aki iriira te reirei. E butimwaea ana kakao tinana nakon te bwabetito ma te ngurengure. Ma nanona e riingaki man are e namakinna n te tai are e rinnako n ana kateitei te ekaretia. Zoltán e kariaia ni kaaitibo ma mitinare, tao ibukina e kona ni kikina ma ngaia.

“Mitinare a kakaongora nakoiu ibukina bwa aomata ngaiia aika ai arora ma a maiuakina te kainibaire ae rietata riki,” e taku.

Ibukin te kainibaire ae rietata riki are Zoltán e a bon kaman maiuakinna bwa te tia kayak, e waekoa ni butimwaea ana reirei te euangkerio bwa a boongana. E bon bwabetitoaki uoua te namakaina i mwina.

N te moan tai e iangoia bwa e na kona n reita ana kaiaking man aki karaoi kaboo n te Taabati. Ma ibukina bwa bon te aekaki n aomata are, n te tai naba are e kabaea nanona nakon te mwakuri teuana ke te kooti, e tangiria ni karaoa ae raoiroi iai, e rineia ni kanakoa te kaiaking n akea riki.

E kataia te taina nakon te kayak bwa ana aobii i mwiin ana bwabetito. Ngke e karaoia, ana kouti e tuangnga bwa e na buokiia n reireiniia tabeman ao ni barongaai mwananga ibukina ngke e na kaboo n te takakaro. Ma e aki tangiria ni kabaeaki nakon te kayaking—ke mwakuri ni kakukurei ake tabeua—are e kona ni mena i nanon kawaina n ana tai n tataekina te euangkerio.

Ai ngaia are Zoltán e a kitana ana kayaking ao ni kabanea nanona n ana mwakuri te Ekaretia i nanon te motinnano ae titebo ma are e karaoia Beretitenti Howard W. Hunter (1907–95) ngke e mareaki. Beretitenti Hunter bon te tia katangitang ae e rabakau ni katangi bwai ni katangitang aika rawata aekakia. I nanon te tairiki e a tia ni katangitang n te oketitura, ma aron maiuia ake e rereitaki ma ngaia a kauntaba ma kainibaire n te euangkerio. Ai ngaia are Beretitenti Hunter e a katikui ana bwai ni katangitang ao ni kaotinakoi tii n tabetai ibukiia ana utu n aia tai n anene.¹

Zoltán e miti te kaiaking, ma e ataia bwa ana tangira ibukin te kaiaking e bon tau korakorana ni kaiangatoa ma ngaia, ao ni kona i aon, ana tangira ibukin te Uea ngkana e tiku ni uakaan ma te takakaro.

Te reirei ae titebo e kona ni kamanenaaki nakon te waaki ni kakukurei are e na kairiira nako man are e tangiriira te Atua bwa ti na riki iai. Ibukiira n tatabemaniira nako e na tamaroa riki n rinanon te maiu n akea bwaai tabeua—e ngae ngkana bwaai aika tamaroa—nakon are ti na kabuaa te maiu are akea tokina are ti na karekea.

“Te Ekaretia e a riki bwa maiu,” e taku Zoltán. “N ataakina bwa te kaiaking e aki kona n riki bwa te maiu ngkana I tangiria n riki ni kakaonimaki ao bwa e na riki bwa tii te aobii, e na rikirake ni bebete kanakoakina. N oneanmwiina, I tangiria ni karika te Tama are i Karawa bwa oin au iango.”

Zoltán e moana kamatebwaian te euangkerio ma arona ae titebo are e uotia nakon te bwai are e karaoia. E katea ana kouru bwa e na karaoa ana mition. E tangiria n tiku i abana ao n reireiniia tabeman.

E mwakuri i Hungary ao ngkai e a mwakuri bwa te tia reirei n te Ingiriti n te reirei ae rietata. E reitinako ni katei bwaai aika riai ni karaoaki moa i aon te euangkerio. “Iai bwaai aika ti kainnanoi ni katikui ibukina bwa a tuuka kawain te Atua,” e taku. “E bebete ni katikui aika buakaka n te tai are ti ataia bwa ti riai. E bati ae tiaki ataia ngkana ti riai ni katuka te bwai ae raoiroi ibukin te bwai ae raoiroi riki. Ti iangoa anne ibukina bwa e aki buakaka, ti kona ni bon taua ao n teimatoa n iira ana babaire te Atua.” Ma Zoltán e ataia bwa ti riai ni kaaki bwaai aika tamaroa ngkana e na tukiira man irakin ana babaire te Atua ibukira.