Manatu Mo Afiafi Faaleaiga

“O Le Aso Mamalu o le Toefuataiga o le Perisitua,” itulau e 24: Mafaufau e faamatala atu pe na faapefea ona tuufaasolo mai le perisitua e ala i le tusiaina o se laina se tasi mai le tasi tagata i le isi, e amata mai ia Atamu, ma faaauau ai pea i isi perofeta o le Feagaiga Tuai ona sosoo lea mai ia Iesu Keriso ma Ana Aposetolo ia Iosefa Samita. E mafai ona outou taumafai e tauloto upu a Ioane le Papatiso na fai atu a o tuuina atu le Perisitua Arona i luga o Iosefa Samita ma Oliva Kaotui, e pei ona tusia i le Mataupu Faavae ma Feagaiga 13:1, ma talanoaina le taua o lena mea.

“O le Molimau a Mia,” itulau e 74: a uma ona faitau faatasi le tusiga, e mafai ona outou talanoaina le “faapefea” ona mauaina se molimau: tatalo, faitauina o tusitusiga paia, o le faalogo i perofeta ma aposetolo, faalogologo i molimau a isi, tuuina atu la oe lava molimau, ma isi mea faapena. Talanoa e uiga i le auala e mafai ona pei ai molimau o se malamalama. Ona mafai lea e matua ona fai atu a latou molimau ma valaaulia a latou fanau e faasoa atu foi molimau po o o latou lagona pe afai e mananao ai.