ToʻuTupu
Naʻe Folofola mai ʻa e Tamai Hēvaní kiate Au ʻo fakafou ʻi ha Lea ʻi he Konifelenisí
ʻOku nofo ʻa e tokotaha naʻá ne faʻú ʻi Siesipe, Palāsila.
Naʻá ku veiveiua fekauʻaki mo e meʻa ʻoku totonu ke u ako ʻi he ʻunivēsití. Naʻe tokolahi ʻaupito ha niʻihi naʻe ʻikai ke nau saiʻia ʻi he lēsoni naʻá ku loto ke u akó, ko ia naʻá ku lotu ai ki he ʻEikí ke u ʻilo pe ʻokú Ne mokoi ki heʻeku filí.
Naʻe maʻu ʻeku talí ʻi he ʻaho hono hokó, lolotonga haʻaku lau ha lea mei he konifelenisi lahí ʻi he Liahoná. Naʻá ku ongoʻi ʻo hangē ʻoku talamai ʻe he Tamai Hēvaní he ʻikai ke lava Ia ʻo fili maʻaku—ko ha fili ʻeni ia ke u fakahoko pē ʻe au. Naʻá ku ʻilo ʻe tatau ai pē pe ko e hā te u filí, kuo pau ke u ngāue mālohi ka u ikuna.
ʻOku ou ʻilo naʻe tali ʻeku lotú. Naʻe tokoni e fakamoʻoni ʻa e Laumālie Māʻoniʻoní ke u fai ha fili. Kuó u ako ke fai hoku lelei tahá mo ʻiloʻi ʻe tokoniʻi au ʻe he Tamai Hēvaní.