5 Wei we Yu Save Helpem Bisop blong Yu blong Hem i Helpem Yu

Pikja

young adult talking with bishop

Hem i welkamem yu we i sekhan strong long yu evri taem we yu mitim hem; hem i sidaon long ples blong hem long stan long taem blong sakramen miting, mo hem i sakrifaesem plante taem blong hem blong givim seves long yu mo long Lod.

Hem i bisop blong yu: wan prishud lida we God i singaotem hem blong hem i prisaed ova long wod blong yu. Lis blong samting we hem i mas mekem, hem i neva save tikim olgeta evriwan; insaed long ofis blong hem, hem i givim advaes long ol memba afta we hem i gat wan longfala dei long wok, mo hem i stap raon insaed long mitinghaos afta jos i finis, blong plante aoa blong mekem evri diuti blong hem.

Bisop blong yu, ating yu luk se hem i gat paoa we i no gat limit, be !blong lidim wan ful wod, i save mekem man i taet! Hem i stap mekem evri samting we hem i save mekem, be samtaem, hem i nidim wan han i help. Hemia faef wei we yu save helpem bisop blong yu blong hem i helpem yu:

1. Prea from hem. Koling blong bisop, bae i save testem hem i go kasem ol limit blong paoa blong hem long saed blong tingting, blong spirit, mo blong bodi blong hem. Hem i nidim paoa ia we God nomo i save givim, be paoa ia i save kam from fet mo prea blong yufala (luk long Jemes 5:16).

2. Gat fet long ofis ia. Yu bin sastenem hem olsem bisop blong yu, be fet blong yu i no stap long man ia; hem i stap long ofis o koling ia blong bisop, mo i stap long God ia we i bin singaotem mo i stap sapotem hem. ?Olsem wanem nao yu save soem fet blong yu? Glad blong save mekem ol koling mo ol wok we oli givim long yu. Taem yu mit wetem bisop blong yu, yu rere mo yu go—yu prea, yu livim kakae sapos i nid, mo yu dresap gud blong soem respek long Lod. Tingting hevi long kaonsel blong hem. Hem i stap ripresentem Lod.

3. Kam blong save hem. Traem bes blong yu blong kam blong save hem. Askem hem abaot laef blong hem, bakgraon blong hem, mo eksperiens blong hem. Letem hem i save se yu glad long seves blong hem, mo yu gat fet long paoa blong hem blong mekem koling blong hem. (Luk long 1 Tesalonaeka 5:12–13.)

4. Yu no kakae ful paoa blong hem. Bisop i wantem helpem yu, be sapos yu gat wan problem we ol hom tija blong yu nomo oli save lukluk long hem, o wan long ol kaonsela blong bisop, o presiden blong Rilif Sosaeti blong yu, o presiden blong kworom blong ol elda blong yu, go long olgeta faswan. !Koling blong olgeta i stap, i from wan risen! Oli stap ia blong helpem yu, mo tu, blong letem bisop blong yu i lukluk nomo long ol samting we hemwan nomo i save mekem.

5. Letem hem i wan man olsem ol nara man. I nomata yu luk se bisop blong yufala i stret man blong koling ia, hem i no stret evriwan. Hem i gat tu tingting long hemwan, mo hem i mekem ol mistek. Be, hem i lavem yu tru, mo i givim evri samting we hem i gat long koling blong hem. Toktok open wetem hem. Moa hem i save abaot yu mo situesen blong yu, moa bae hem i save helpem yu.