Buk blong Momon - Riding Klab
!Joenem mifala mo ridim Buk blong Momon! Yu save ridim yuwan, o wetem famli blong yu, o wetem wan fren. Afta, yu sendem wan foto blong yu we yu stap ridim Buk blong Momon, mo talem long mifala abaot wan samting we yu bin lanem, o wan stori we yu laekem tumas insaed long Buk blong Momon. Sendem storian blong yu long liahona.lds.org (klik long “Submit an Article”).
Skripja blong manis ia: Moronae 10:4
“… mo sapos bae yufala i askem wetem wan tru hat, wetem tingting we i tru blong wantem save, wetem fet long Kraes, bae hem i soemaot trutok blong ol samting ia long yufala, tru long paoa blong Tabu Spirit.”
Stori we mi laekem tumas we i stap long Buk blong Momon, i stap long 3 Nifae 17, mo hem i abaot taem ia we Jisas i stap blesem ol pikinini. Mi laekem stori ia from se i talem long yumi hamas nao Jisas mo Papa long Heven, Tufala i stap lavem yumi. I olsem we ol pikinini ia, oli mi, mo mi stap pikjarem mi we mi stanap long tetaem ia.
Barbora J., 11 yia, Tsek Ripablik
Mi lavem Buk blong Momon from se hem i wan tru buk. Ol profet nao oli bin raetem. Hem i helpem mi blong jusum raet, mo taem mi gat ol problem, buk ia i stap helpem mi. Mi bilivim buk ia.
Jason S., 10 yia, Maharashtra, India