Esta I Gat Strong Paoa long Tingting

Esta i wan kwin blong Pesia. King i no bin save se Esta i wan Jiu. King i bin gat wan nogud fren we i no laekem nating Ol Jiu. Hem i trikim king, mo mekem hem i talem se oli mas kilimded evri Jiu we i stap long kantri. Esta i disaed blong askem king blong sevem ol pipol blong hem. Be, sapos hem i go long ples we jea blong king i stap long hem, bae oli save kilim hem i ded tu. Esta i askem Ol Jiu blong oli livim kakae from hem. Taem Esta i go long jea blong king blong hasban blong hem, hem i bin glad blong luk hem. Esta i invaetem king mo fren ia blong hem blong kam kakae. Long taem blong kakae nao hem i talem se hem i wan Jiu. King i no save jenisim loa, be hem i letem Ol Jiu blong oli save protektem olgeta. Wetem help blong God, !Esta i bin sevem ol pipol blong hem!

“Kwin Esta,” Rebecca C., 8 yia Aragwa, Venesuela

Esta

Esta i bin gat strong tingting mo i bin biliv long God. !Mi save gat strong paoa long tingting mo stanap from wanem we i raet!

Lanem baehat, las pat blong Esta 4:14.
Wajem japta 45 blong stori blong Ol OlTesteman Stori we i stap long scripturestories.lds.org.
Sapos papa mo mama blong yu i talem se yu bigwan inaf, yu save livim kakae from wan we yu kea long hem.
Mi save soem se mi gat strong paoa long tingting taem mi …