5 Wei blong Lanem Samting aot long Jeneral Konfrens
Jeneral Konfrens i wan bigfala mo gudfala janis blong joen wetem ol memba blong Jos raon long wol, blong lisin long ol lida blong Jos mo blong kasem daereksen we i kam long Lod. Blong stap wajem, stap lisin, mo stap stadi long ol mesej blong jeneral konfrens, bae i tekem Spirit i kam insaed long laef blong yu, mo bae i help blong yu bildimap testemoni blong yu. Hem i wan janis blong yu kasem, mo blong yu tekem aksen folem revelesen we yu kasem blong yuwan.
Hemia ol faef wei we yu save lanem samting aot long jeneral konfrens.
1. Raetemdaon ol kwestin blong yu bifo we jeneral konfrens i stat
Tekem taem blong raetemdaon ol kwestin blong yu bifo we konfrens i stat, mo afta, lisin gud long ol ansa we oli kam long yu long taem blong jeneral konfrens. God i save ansarem ol prea mo kwestin blong yu taem yu tekpat mo stap lisin long Spirit.
2. Lukaot blong lan abaot Kraes
Wan smol pat blong peinting ia: Kraes mo Yangfala Rij Loya, i kam long Heinrich Hoffman.
Ol profet oli stap testifae mo stap tij abaot Sevya (luk long Ol Wok 10:43). Taem yu stap lisin long ol mesej blong konfrens, yu save tingting long wanem ol spika oli stap tijim yu abaot Jisas Kraes. Yu save mekem wan lis blong hemia insaed long ol not blong yu.
3. Lukaotem ol stamba toktok
Ol foto pikja oli kam long Getty Images; foto blong wan yang man we i stap long top blong maonten, i kam long Joshua Earle/Unsplash
Afta we yu wajem sam jeneral konfrens, yu save luksave se yu bin harem wan topik, o wan stamba toktok we oli tokbaot i bitim wan taem. Olgeta paten we yu faenem, maet oli wan wei ia we Spirit i talem long yu blong luksave wan samting we yu nidim blong lanem.
4. Tekem not long saed blong Buk blong Momon
Yu save lanem plante samting taem yu lisin gud long ol skripja we ol lida blong Jos oli stap yusum, speseli insaed long Buk blong Momon, we hem i “ki ston blong relijin blong yumi” (fas toktok blong Buk blong Momon. Luk sapos yu save raetemdaon evri taem we oli tokbaot insaed long jeneral konfrens. !Bae yu sapraes tumas long wanem we bae yu faenem!
5. Kipim tingting blong yu i laef mo gat insperesen blong tekem aksen
Raetemdaon ol mesej mo ol kwot we i save givim insperesen long yu o i save invaetem yu blong tekem aksen. Hemia i save helpem yu blong yusum wanem we yu bin lanem—mo i save helpem yu blong tingbaot ol tingting blong yu afta, taem yu nidim blong tingbaot!