Stap Givhan long Wan Ia

Long manis Mei blong yia 2018, ol lida blong Jos blong Jisas Kraes blong Ol Lata-dei Sent long Marsol Aelan oli bin visitim ol pasta mo ol minista blong fo Kristin jos long Atol blong Aelinglaplap. Oli presen long tu bigfala bag raes long wanwan jos grup.

Olgeta lida ia we oli go mekem visit i gat, John Larkin, Misin Presiden, Johannes Seremai, Kwajalein Stek Presiden, mo Tracy Salmon, Presiden blong Kworom blong Ol Elda blong Kwajalein wod.

Presiden Larkin i talem: “Ol lida ia blong ol lokol jos oli glad tumas long ol presen ia. “Ol minista oli smael, oli sekhan, mo oli talem tangkyu—mo mi filim se oli bin sapraes long visit mo ol presen.”

Antap long hemia, tingting i stap blong givim ol miusik kibod long wanwan kongregesen blong oli save yusum wetem ol hym we oli stap singsing—from se naoia i stap, i no gat kibod long aelan ia.

I gat samfala intafet aktiviti long Aelinglaplap we oli plan from long fiuja, mo i gat ol samting olsem ol seves projek, mo ol woksop blong tokbaot sik suga.

Presiden Russell M. Nelson i talem: “Hem i spesel janis blong mifala blong tekem aksen long nem blong Jisas Kraes, blong blesem ol pikinini blong God folem tingting we Hem i gat long olgeta.”