Ni Ko Sa Yalolailai

Na bula e tu na kena bulabula kei na galili. Eso na gauna ni da galili, eda vakananuma na cava e sa cakava tiko na Kalou—cava na vuna e vakatara tu kina na Tamada dauloloma me yaco na ka koya? Na veilecayaki oqo e rawa ni vakavurea sara meda taroga, “E kauwaitaki au dina tu li vakataki au na Kalou?”

Ena ituvaki vakaoqo, au sa raica ni veivuke sara na veitiki ni ivolanikalou oqo:

• Same 8:4–5: “A cava na tamata, mo ni nanumi koya kina? … O ni sa buli koya me uasivi sobu vakalailai vei ira na agilosi, ka vakaisalataka ena iukuuku kei na vakarokoroko.”

• Joni 10:14: Donuya na Nona bula voli ena vuravura oqo, a vakamacalataki Koya o Jisu me “ivakatawa vinaka” ka kuria, “[Au] sa kilai ira na noqu sipi.”

• Mosese 1:39: Oqo e dua na noqu tikina taleitaki, ena Nona vakatakila na Turaga na Nona inaki kivua na Parofita o Josefa Simici: “ Ia raica, oqo na noqu cakacaka kei na noqu lagilagi—meu vakavuna na tawa mate rawa kei na bula tawamudu ni tamata”—ka mai vakabibitaka na Nona kauwai kivei keda vakayadua.

• Luke 7:11–16: E sega walega ni vakatavulica vei keda na itukutuku oqo na kaukauwa ni iVakabula mai na mate—na ivakananumi taudonu ena gauna ni Siganimate oqo—ia vei au e sa vakatakila na ivakaraitaki uasivi ni Nona vakilai keda vakayadua tu. Mai na cakacaka mana kece i Jisu, e vica era sa mareqeti ka yalololoma me vaka na Nona veiqaravi vua na yada mai Neini. Me vaka au wasea ena noqu itukutuku (raica na tabana e 12), na tikina oqo sa vakaraitaka na kauwai kei na loloma ni iVakabula kivei keda yadua.

Keith Wilson

Parofesa ilawalawa, Brigham Young University