Me vaka e dua na goneyalewa, e sa dodonu li meu vakanamata ki na vuli kei na cakacaka se sagai meu sa dua na marama vakawati ka tina?

iVakatakilakila

education vs motherhood

Eda kila ni sa “usutu ni yavunibula kivua na Dauniveibuli na matavuvale” vakakina ni sa “nodra itavi vakatabakidua na tina na susugi cake ni luvedra.”¹ Eda sa kila talega ni, ena vuku ni veinaki vinaka, sa vakasalataki na tagane kei na yalewa mai vei ira na parofita mera vuli taumada.² Me kena ikuri, eda kila ni vuqa na yalewa e rairai gadreva se vinaka tu mera sasaga cakacaka.

A kaya o Peresitedi Dallin H. Oaks, na Matai ni Daunivakasala ena Mataveiliutaki Taumada, ni nodra digidigi na marama e sega ni tiko ena matavuvale se vuli kei na cakacaka. “Na gauna donu sai koya na ka meda digitaka,” a kaya o koya. “Ka da qara na veivakauqeti ni Turaga kei na nodra ivakavuvuli na Nona italai me caka vakakina.”³

Tuvatuvaka mo vuli, ka tuvatuvaka me dua na nomu matavuvale. Sa rawa talega mo tuvakataka me dua na nomu cakacaka. Ena veika kece oqo, sa dodonu me koto na nomu vakanamata ena muri ni ituvatuva ni Tamada Vakalomalagi kei na qarai voli ni Lomana.