Na vakabula mai Estonia!
O keirau o Margo kei Paolo ena yabaki oqo keirau na lako wavokiti vuravura tiko me keirau vulica na veika baleti ira na luve ni Kalou. Ni tomani keirau ena neirau sikovi Estonia!
O Estonia e tiko ena vualiku kei Iurope. E tiko kina e sivia na 2,000 na yanuyanu. E rauta ni 1.3 na milioni na tamata era tiko e Estonia.
E cavuti vakaoqo na “bula” vaka-Estonia: Tere!E cavuti vakaoqo na yaca ni Lotu: Viimse Aja Pühade Jeesuse Kristuse Kirik
Oqo o Tallinn, na koroturaga kei Estonia. Sa yacova mai oqo e 800 na yabaki na kena dede! E vuqa tu na veivanua dredre e Estonia, na veikau kei na lolobo. Na kena dina, ni sivia na veimama kei Estonia e veikau. E vuqa na lewe i Estonia era taleitaka na laki tu ena veika bula.
Na cava na vakayakavi e Estonia? Na vuaka se ika vaka-pateta, kaveti, kirimu wiwi, kei na madrai loa. E vakatokai me seniwiji ika.
O dau gadreva beka mo lagasere ena Lalai? Ena veiyalima na yabaki, era dau soqo levu na kai Estonia ena lagalagasere kei na danisi.
Na Lotu mai Estonia e ka lailai ia e kaukauwa. E rauta ni dua na udolu na kena lewe ni Lotu. Na nodra valetabu voleka duadua e tiko e Helsinki, Finland.
Oqo e rua na sisita mai Estonia!
Dua na bogi niu sa via laki moce, sa yali na noqu bea matakau. Au a vakasaqara ka sega ni kunea. Au a qai masu. Au sa qai kunea na noqu tedi bea kau moce vinaka ka tadra.
Bianka J., yabaki 7
Sa dau taleitaka na noqu matavuvale na qaravi ira na tamata. Na veiqaravi e vukea me keitou vakila na Yalo Tabu, ni dau solia mai na yalo vinaka e veivakacegui. Keirau dau solia vaka-veiganeni na iloloma vei ira eso baleta ni keirau gadreva mera vakila ni ra lomani.
Piibe J., yabaki 10
Vinaka vakalevu na sikovi Estonia vata kei keirau Meda qai sota tale!