Au na Raici Koya Tale

iVakatakilakila

I Will See Him Again

Au a susugi cake mai Nicaragua. Niu a se gone lailai, au dau cakava na ka kecega vata kei tuakaqu. Keirau taubale vata ki koronivuli. Keirau dau gole vata ki na sitoa. Dau levu sara na veika keirau cakava e neitou daku ni vale. Keirau a bula marau.

Ia, niu sa yabaki ciwa, a yaco e dua na ka rarawa levu. A mate o tuakaqu oqo ena dua na uneune. Taumada a vaka me a sega ni ka dina na nona sa mai mate. Au dau raitayalotaka tu ni sa tukituki tiko e katubalevu. A dau tukuna voli ni se gole ga ki na dua na vanua. Au dau wanonova voli na katuba, ka diva me yaco. Au a gadreva vakalevu sara meu raici koya tale.

Toso tiko na gauna, sa vinaka cake sara mai. Au se nanumi taciqu tu ga, ia sa rawa sara meu bula marau tale.

Ena gauna o ya, au se bera kina ni lewena na Lotu i Jisu Karisito ni Yalododonu Edaidai. Ia niu sa tubu cake tiko, au sa mai kila na Lotu ka papitaiso sara. Dua na siga au a masia tiko noqu iyaya ni kana. O ya na Siganimate. Au a vakasamataka tiko na Tucaketale kau a vakananumi ganequ sara.

Vakasauri ga au sa vakila e dua na ka. Au sa nanuma sara na noqu a tatatadrataki ganequ tiko. Au a qai kila ni a sega sara ni ka lialia! A tadu mai vua na Yalo Tabu, me vakacegui au ka dusimaki au. Dua na siga ena tucaketale vakaidina o ganequ. Kau na qai raici koya tale vakaidina.

Ke dua o a daulomana e sa mate, sa dodonu vinaka mo tagicaki koya ka yalorarawa. Veivosaki kei nomu matavuvale se dua na qase ni ko sa vakarau. Masu vua na Tamamu Vakalomalagi baleta na nomu nanuma. Ena vukei iko o Koya mo vakila tale na vakacegu.

Se cava ga e yaco, mo nanuma tiko ni o Jisu Karisito e lomani iko. Ena Siganimate eda na nanuma kina na Nona solibula ena vukuda. Ena Vukuna, eda na tucake kece tale ka na rawa meda bula tawamudu vata kei na noda matavuvale.