iVakatakilakila

Nyame S.

Niu a gole ena matai ni gauna ki na koronivuli qase cake, au a malumalumu tiko ena dua na ka: ni vakavulici mai e dua na ulutaga vou, e dau dredre vei au meu kila vakamatata. Dua na yakavi au sa masu vua Tamada Vakalomalagi me vukei au meu kila vakamatata ka ulabaleta na ibolebole o ya. Sa tiko na noqu vakabauta, kau sa rawa ni kila vakamatata cake. Tekivu mai kea, na masu kei na vakabauta e sa ituvatuva ni ka meu cakava tu e koronivuli kei na veivanua kecega au lako kina. Sa veibolei tu na tiko ena koronivuli ni tagane ena so na ivalavala tawasavasava era cakava na gonevuli. Ni sa yaco oqo, e dau voqa vei au na nodrau vosa na noqu itubutubu: “Kakua ni cakava e dua na ka ena vagolea tani na Yalo Tabu.” Au sa vakavinavinaka vei tinaqu, ka sa dau vakananumi au tu meu vakarorogo ki na Yalo Tabu. Ni da cakava na ka dodonu, sa vakalougatataki keda na Kalou.

Nyame S., yabaki 16, Ghana