Na Lotu Sa Tu Eke
Reykjavik, Iceland
Ni tu mai dakuna na ulunivanua solegi ena wai cevata, ko Reykjavik, na koroturaga duirokana kei Iceland, e veisureti tu mai ki na matanitu yanuyanu ka sivia e 1,000 na maile (1,609 km) mai na vanua levu vaka-Urope. E a tawani taumada maivei ira na Viking ena 874 MK, ko Reykjavic e uto ni ivalavala vakavanua, veivoli, kei na cici ni matanitu, ka dua talega na koro savasava, drokadroka, ka taqomaki duadua e vuravura.
Na imatai ni rua na kai Iceland erau papitaiso mai Denmark ena 1851. Erau a suka totolo tale ki Iceland, ka tauyavutaki ena 1853 na imatai ni tabana. Edaidai e sa voleka ni 300 na lewenilotu e Iceland ena tolu na tabana, o ya mai Reykjavik, Akureyri, kei Sellfoss. Na valetabu voleka duadua kina na Valetabu e Lodoni, Igiladi, e 1,177 (1,894 km) mai Reykjavik.
E lewe lailai beka na lewenilotu, ia e tubu tikoga na Lotu. E dina ni tu na veibolebole ni tu yawa, na vakadewataki ni ivola ni Lotu, na voravora ni draki, na veitarovi ni itovo vakavanua, era sa yalataka tu na iliuliu ni Lotu ni na dua na siga e sa na bikeni kina ko Iceland ki na veimatanitu. Ko Peresitedi Gordon B. Hinckley (1910–2008) a sikovi Iceland ka vakananumi ira na lewenilotu ni ko ira era “tamata ni ‘kaukauwa kei na igu ka tawa’ me rawa ni cakava na ka lelevu” (“E Uasivi Me Tu na Vanua Kamica,” Church News, Sepi. 21, 2002, 10).
-
Na Kaulotu e Iceland a tauyavutaki ena 1894, ia na cakacaka ni kaulotu a mai muduki ena 1914. Ko Iceland a qai semati me tiki ni Kaulotu e Denmark Copenhagen ena 1975.
-
Ena 1977, ko Elder Joseph B. Wirthlin (1917–2008), ka a se lewe tiko ni iMatai ni Kuoramu ni Vitusagavulu a vakatabui Iceland vakadodonu me vunautaki kina na kosipeli.
-
Ena 1981 a tabaki kina na iVola i Momani ena vosa vaka Iceland—na vosa ka sega ni vosataki tale ena dua na yasa i vuravura.