Na Yalo Vou

iVakatakilakila

Feeling New

“Oqo e dua na itukutuku!” A kaya o Ema (Na) ni sa laki kauti Rasmus mai koronivuli. Rau a taubale vata yani ena gaunisala qiqo e yasadra na veivale lelevu rairai totoka.

“Rosolje me mai vakayakavi?” A nuitaka toka o Rasmus. E ratou a kania ena macawa sa oti ena ikavitu ni nona siganisucu. Ia a rawa vua me kania vakalevu na biti kei na pateta vata kei na pikeli herigi!

Ema kurea na uluna ka matadredredre. “Au a sotava e rua na goneyalewa ena basi ena mataka nikua. Daukaulotu Rau na gole tiko mai ena bogi nikua me rau mai tukuna na nodrau lotu.”

A rai cake o Rasmus ena lomatarotaro. A se bera vakadua ni sotavi ira na daukaulotu.

A qitotaka tiko ena nona rumu na nona lori ni sa rau yaco mai na daukaulotu. “Tere! Tere! Bula!” rau a kidavaki Ema ni rau sa yaco yani e vale. Rau a luvata na nodrau ivava vavaku ka dara na ivava ni vale a vakarautaka tu o Ema baleti ira na vulagi. A laki vakadaberi rau o Ema ki na idabedabe damudamu. Ia a duri tu ga o Rasmus e katuba.

A raici koya o goneyalewa balavu ka matadredredre. Na beji ni yacana loaloa e toqai toka kina na Õde Craig (Sister Craig). “A kaya o tinamu ni se qai oti toka ga nomu siganisucu,” a kaya o goneyalewa. “Keirau kauta tiko mai vei iko e dua na ka.” A solia sara mai e dua na kadi lailai. A raica sara vakavoleka o Rasmus.

Edua na iyaloyalo ni tamata. A dara tu e dua na isulu balavu vulavula, ka dedeka tu mai na ligana.

“O kila beka o cei oqori?” A taroga o Õde Craig.

A sega ni kila o Rasmus na yaca ni tamata o ya. A se bera mada ni bau raica na iyaloyalo oqo. Ia na tamata oqo e yalololoma ka qaqa na kena irairai. “Au vakabauta ni tui o koya!” A kaya o Rasmus.

Rau a matadredredre sara na daukaulotu. “Io, e tui o Koya! O Koya na Tui ni tui! Na yacana o Jisu Karisito.” A taura sara mai o Õde Craig e dua na ivola karakarawa. “Oqo e dua na ivola e vakavulica na veika e baleti Koya, na Mormoni Raamat. Ai Vola i Momani.”

O koya vata kei Ema rau sa qai tekivu wilika na iVola i Momani ena veisiga ni bera ni lako i koronivuli. Ena gauna ni vuli, a taubaletaka o Rasmus kei na kalasi na veika bula ka oti a qai moce vakalailai. Ni oti na vuli, o koya vata kei Ema rau dau qai sotavi rau na daukaulotu. Rau veivosakitaka kei rau na daukaulotu na veika rau sa wilika ena iVola i Momani. Eso na gauna sa dau veivakani o Ema ki na tamata kece ena madrai, vaka- sinamoni. Ena mua ni macawa e dau vodo basikeli vata kei Ema se laki pikiniki e baravi. Eso na gauna rau dau taubale vakabalavu e veikau se bati ni uciwai rau dau taleitaka.

Ena dua na gauna ni nodrau taubale e veikau, a kaya o Ema vua ni sa vinakata me papitaiso. A veisau na matai Rasmus. Rau a kerea na daukaulotu vei Ema me masulaka me papitaiso se me kakua. Sa vaka me sa saumi e kea na nona masu!

“Kau sa kila vinaka tu oqo na vanua meu laki papitaiso kina,” a kaya vua ena matadredredre. “Rawa beka ni o kila?”

Sa vakasamataka o Rasmus na nodrau lesoni na daukaulotu baleta na papitaiso. Rau a vakaraitaka kina na iyaloyalo i Jisu ni tu vata kei Joni na Dauveipapitaisotaki ena dua na uciwai. …

“Na uciwai!” a kaya. “Na nodaru uciwai taleitaki.”

Ni oti e dua na macawa, sa tucake tu o Rasmus e bati ni uciwai kei rau na daukaulotu kei ira eso mai na lotu. Sa vakarau tu o Ema me sa papitaiso. A sa tabadromuci e wai, me vakataki Jisu sara ga. Ni sa lamata mai wai, sa matadredredre tu mai. Sa vinakata o Rasmus me nanuma tiko ga na gauna oqo me tawamudu—na karakarawa ni wai, na senikau vulavula ni veico drokadroka, kei na matadredredre nei tinana.

“Na cava eda vakila ni da papitaiso?” a qai taroga, ni ra sa kania tiko na kuki rau a kauta mai na daukaulotu.

“E ka totoka,” a kaya vua o koya. “Au vinakata meu sa tu ga e wai. Au vakila niu sa vakavoutaki!” A mokoti Rasamus vakaukauwa.

“Ena noqu siganisucu e tarava, au vinakata meu sa papitaiso kina, me vakataki iko kei Jisu,” a kaya vua. “Au vinakata meu vakavoutaki talega!”