Abotoro a Ibuobuoki ni Kabuta te Aonaaba

N te moantai ibukin rongorongon te Ekaretia ae e tia ni kaokaki, ni kabane kaain te Moan Beretitentii ao te Kooram n Abotoro n te Tengaun ma Uoman a bane n ikotaki n teuana te tabo itinanikun te United States, ngke a bane ni mwananga ngaiia nako Italy ibukin katabuan te Rome Italy Tembora ni Maati 2019. (Taraa te rongorongo ane iaon te iteraniba xx.)

Ni katabeaki tabeua n te mwakuri n ibuobuoki inanon onoua te namwakaina n nako:

Imwiin kawaran North ao South Carolina, USA, Beretitenti Dallin H. Oaks ao Unimwaane David A. Bednar a taetae nakoia naake a rootaki imwiin te angibuaka n te tairiki n tain te bootaki n taromauri i Tallahassee, Florida, USA. E kauringiia taan ongora Beretitenti Oaks bwa te kakaitara ao te karawawataki bon mwakoron te maiu ae mamate, ma are “ngkana ti kakaonimaki ao n tataromwaaka, e na buokiira te Uea ni keaki inanona.”

I Chicago, Illinois, USA, Unimwaane Oaks e reireiniia membwa n te Ekaretia aika kairake ake a tia ni mare bwa te, “Rairaki nakon te Uea e rimoan te rairaki nakon te Ekaretia. Ao te rairaki nakon te Uea e roko rinanon te tataro ao te kamatebwai ao te mwakuri n ibuobuoki.” Ao i Arizona ma Beretitenti Russell M. Nelson, Beretitenti Oaks e kauringiia kairake n ikawai aika a tuai n iein bwa , “Anuara aika onoti ni kabwarabwarai arora bwa ngaira naati mwaane ao aine iroun te Atua

Membwa n te Kooram n Abotoro n te Tengaun ma Uoman a katiai rakan katabeaia ni kabuta te aonaaba:

I England, Unimwaane Jeffrey R. Holland bon tii ngaia te tia taetae n tain te burokuraem ibukin te Kiritimati i Pembroke College Chapel i Oxford University, ike e taekinna bwa kakukurein nanon te Kiritimati e aki ti boboto iaon bungiakin Kristo ma ibukin maiuna, matena, ao “Ana tokanikai ibukin ana anga karea ni kamaiu.”

I São Paulo ao Salvador, Brazil, Unimwaane Dieter F. Uchtdorf e buokiia kurubu aika a bubura n taian boowi ai uana naba nakoia kurubu aika a uarereke ao aomata n tatabemaniia, n raonaki ma karauan nanoia te utu ni maten natia ae bwanin ana tai ni mitinare, ni kaei uoote aika uoua ibukin te toa ao bootaki ibukin te Reirei n Tabati, n raoniia n ikatoatoa ma tabeman mitinare ni kawarakiia koraki ake tii ngaiia ni kaaina te aro mai buakoia aia utu, ao man kinaaki iroun temanna ae e a tibwa rairaki inanon butina ni kawain São Paulo iantano. E taku bwa bon te “tabo are n n iangoana boni ngaira ni kabane natin Tamara are i Karawa e nooraki ao ni karaoaki nanona.”

N ana Tautaeka United Arab, Unimwaane David A. Bednar e kaira te boowi ae onoti ma kairake ao kairake aika a tuai n iein mai Abu Dhabi Titeiki. E neweabaa te tienta n reirei ibukiia taan birinakomai Aberika i Sikubita ao te tieta ibukin nakoaia aomata man te aba i Iraqi Kurdistan. “Ngaira ni kabane naati mwaane ao aine iroun te Atua,” e taku Unimwaane Bednar imwiin kaitibona ma taan birinako. I Iteraera, e tararua te maungatabu ibukin Jerusalem District ao te bootakin taromauri n ana Tienta Brigham Young University Jerusalem. N tain ana maungatabu RootsTech n rongorongon te utu i Salt Lake City, Utah, USA, Unimwaane Bednar e anga $2 te mirion angamwane n tei ibukin te Ekaretia nakon te International African American Museum Center ibukin Rongorongon te Utu.

I Ukraine, Armenia, France, Hungary, Switzerland, Romania, a Czechia, Unimwaane Quentin L. Cook te kibu ni koora ni maiuakina ana euangkerio Iesu Kristo are e a tia ni kaokaki ni katoa bong ao n tibwauaia rinanon te katoto ao ni karoko iroun tabeman ni buokiia. I New York City, USA, Unimwaane Cook e taetae ibukin tibwauakin koaua ake a reke imarenan Ana Ekaretia Iesu Kristo ibukiia Aika Itiaki ni Boong aika Kaitira ao aia kaomiuniti Iutaia. “Ti tibwauaia ma tarira te tabeianga ibukiia aomata ake a karawawataki ao koraki ake a kaitara ma kaangaanga aika onoti,” e taku.

I Mexico City, Mérida, ao Cancún, Mexico, Unimwaane Cook e buokiia mataniwi n te Ekaretia, membwa, mitinare ao aaro, te tautaeka, ao mataniwi. Aia bootaki n taromauri kairake are iraki irouia 800 kairake man waniua titeiki i Mexico City e rababa nakon 38,000 kairake ni kabuta aon Mexico. Ao Unimwaane Cook e taetae naba n tain te boowi n ana tabo ni Karao Tua Mexico, ike e weteaki ibukiia aomata aika onimaki n tei ni matoatoa ao n te katiteuanaaki ni katana inaomataia aaro.

I Puerto Rico ao Dominican Republic, Unimwaane D. Todd Christofferson e kunea bwa n aki tabe ma te urubwai n te angibuaka, membwa a teimatoa n nakoraoi aroia imwiin baika a riki. E taku bwa te aono e “kukurei,” n ataia bwa n te tai ae waekoa ao a na iai riki teniua tembora n te Caribbean (i Haiti, Puerto Rico, ao Dominican Republic). E taetae naba n te maungatabu ibukin te bitineti n te katei ni maiu ao te maungatabu ibukin inaomatan te aro. N tain te bwabwaro i Washington, D.C., USA, Unimwaane Christofferson e maroroakina kakawakin te koaua ao te etieti. Ao ni karaoan katabeana i Guatemala ao El Salvador, n roanaki ma tabeua boowi, Unimwaane Christofferson e waakin te kanakobwana are e matakuakinaki ni kabuta aon Central America, ni katereterea kakawakin kamatebwaian te euangkerio inaon te mweenga.

I South Africa ao Zimbabwe, Unimwaane Neil L. Andersen e rereiniia membwa bwa a na uringa te Tia Kamaiu ao ni mwanea te reirei are e boboto inanon te mweenga, te kamatebwai ae boutokaaki n te Ekaretia. I England, Wales, France, ao Austria, e ataa te korakora are e roko ngkana utu n te Ekaretia a riki bwa rooro aika mwaiti ao ao n taku bwa membwa mai Eurobe a reitinako ni karaoa tabeia ae kakawaki n rikiraken ma korakoran te Ekaretia. Boni ngaiia, taan katana te onimaki, e taku.

Te Ekaretia e aki manikangare iaon waaki ni bakabure irouia te roro ae tebwintabu, Unimwaane Ronald A. Rasband e katuruturua taekana ngke e taetae nakoia taan reirei n te tieminari ao te intitute i Salt Lake City, Utah. Taan reirei n te tieminari ao te intitute a kona ni buokiia koraki ake a na reke n te kaangaanga man kabonganaakin ana bwai n ibuobuoki te Ekaretia aika a mwaiti ake e a tia ni katauraoi ibukin katokan waaki ni bakabure ao man kauringiia ataein te reirei bwa te buoka mai karawa ao te mwakuri n ibuobuoki e kuneaki rinanon te Tia Kamaiu.

I Rwanda, Unimwaane Gary E. Stevenson e kawara te tabo ni kanuring ibukiia ake a tiriangaki iai reeti n aomata, ike e tabu bwa n aki tabe ma kaangaanga aika a nako, n te bong aei ao aomata mai Rwandan a kaonaki n “te akoi, nimamannei, raoiakinaki, ao te kabwarabure” are e kaota tamaroaia te botanaomata. E anganako angamwane bwa te kanuring n te ibukin te Ekaretia. Unimwaane Stevenson e kawara naba Uganda, Ethiopia, Tanzania, ao Madagascar, e kaira te maungatabu ni kairiiri ibukin te nakoanibonga, e taetae nakoia membwa ao mitinare, n ira aia bootaki n taromauri kairake ao kairake n ikawai aika a tuai n iein, ni kawariia aobitia n te tautaeka, ao ni kaekai titiraki mairouia taan rawe rongorongo.

Unimwaane Dale G. Renlund e kawakri taabo aika a tionako inanon katabeana nako Argentina ao Chile, n aron Antofagasta n te rereua ni mwakoron aban Chile meang; te maungatabu ibukin Argentina Comodoro Rivadavia Mition; te Mwaanga i El Calafate i Argentina, ike e a onrake te umwantabu ae uarereke irouia aomata ae riaon 30–40 korike 600 ake a rok e tei ibukin mwaitia membwa aika a kakaonimaki ni kabuta mwakoron aban Tierra del Fuego. N aron taabo aika Rio Gallegos, Argentina, Unimwaane Renlund e taetae ibukin kakabwaia n reirei ake a maiuakinaki n te mweenga, te karikiram ae boutokaaki n te Ekaretia ao a kanga utu ni kakabwaiaki man kawakinan te bong ae te Tabati.

I Paraguay, Uruguay, Chile, ao Argentina, Unimwaane Gerrit W. Gong e tibwauai reirei man booki aika tabu ao man ana reirei Beretitenti Nelson—n raonaki ma kibu ni koora ibukin te mwakuri n ibuobuoki, n tiku iaon kawain te berita, oin ana kaotioti temanna, kabonganaakin raoi aran te Ekaretia, ao kabonganaan te euangkerio ni kakaei kaeka ao n tokanikai iaon kakaewenako ao baike a tuukira.

N te tienta ni kataneiai ibukiia mitinare i Guatemala, Unimwaane Ulisses Soares e tibwauai reirei ake e reiakin man aia maroro ana karo. E kabongnai reirei akanne ni kaungaia mitinare bwa a na teimatoa ni kakaonimaki ao ni korakora. E kawara naba Costa Rica ao Panama ao membwa i Central America “a tangiria ni beku ibukin te Uea. A tangiria ni karaoa are E tuangiia bwa a na karaoia.” N te mwananga are imwiina riki n raonaki ma Dominican Republic ao Trinidad ao Tobago, e taku bwa n te Caribbean, “a kukurei aomata ibukin ana euangkerio Iesu Kristo inanon maiuia.” E katabua naba aban Curaçao ibukin tataekinan te euangkerio. “Te Ekaretia e na nakoraoi nakon taai aika a na roko i Curaçao,” e reitia. “A kakaonimaki aomata ao n tauraoi ni butimwaea te euangkerio.”