Unimwane Alan R. Walker
Mataniwi ni Kabuta n te Itingaun
N reiakina taekan ao ni kataneiaa ma katei aika a boou e riki bwa ana bwai ni kakibotu Unimwaane Alan R. Walker inanon maiura, are e kamateraoa nakoana ngkai te Mataniwi ni Kabuta n te Itingaun.
E bugniaki i Buenos Aires, Argentina, irouia Victor Adrian Walker ao Cristina Ofelia Sparrow Walker n Tianuare 2, 1971, e ikawairake Alan Roy Walker ni mwakoron taabo aika a kakaokoro i Amerika Meang ao Maiaki.
Ni moan ana ririki ao e bane i Argentina imwaain ae a mwaing ana utu nako Boston, Massachusetts, USA, ao imwiina nako Mexico City, Mexico, ibukin ana mwakuri tamana.
“Reiakinan te Ingiriti bon te kakabwaia ae moan te korakora,” e taku. Ao n ikawakirake inanon te euangkerio e anganna te kariaia bwa e na kona ni karikirakea ana koaua ao ni katauraoi mai inanon ataeina ibukin te mwakuri ni mitinare. Imwiin reireina i Brigham Young University ibukin teuana te ririki, e beku Unimwaane Walker bwa te mitinare ae bwanin ana tai i Tennessee Nashville Mition.
NI buoka tamana ni kamaruirungnga man te kabuanibwai ae kakamaaku, e taona ana babaire Unimwaane Walker n okira ana reirei imwiin ana mitinare ao n oki nako Argentina. Anne ngke e a kaitiboaki ma Marcela Sulé n ana taenti te intitute. Waniua namwakaina imwiina, n Aokati 12, a mare n te Buenos Aires Argentina Tembora. N te bong are imwiina, a mwaing te taanga n ataei nako Utah, USA, ike e karekea ana tikuuri ibukin aua te ririki Unimwaane Walker n te ikanaomiki n 1996.
E mwakuri Unimwaane Walker inanon teniua te ririki bwa te tia kawakin mwane n iokinibwai ma Citibank, onoua te ririki bwa te tia tararuai ana bwai te Ekaretia i Amerika Maiaki n Aonon Maiaki, 11 te ririki n Aonon Mexico, ao n te tai ae e a bon tibwa nako e riki bwa te tarekita ibukin temboro abeati ibukin Amerika Maiaki Aonon Maiaki. N 2010, e weteaki Unimwaane Walker bwa e na tararua Mexico Monterrey East Mition.
Te Utu ae Walker, n raonaki ma natia te aine, a kukurei ni buokiia tabeman, ni mwamwananga, ao ni kan atai taabo aika a boou ao aomata.
Imwaain ae e weteaki n riki bwa te Mataniwi ni Kabuta n te Itingaun, e beku Unimwaane Walker n ana konabwai aika a kakokoro n te Ekaretia, te kauntira n te beretitentii n te titeiki, te kauntira ae rietata, te bitiobi, te kauntira n te bitiobiriki, ao te mataniwi n te uoote ibukin te mition.