Unimwaane Ronald A. Rasband
Mataniwi ni Kabuta n te Itingaun
Ngke e weteaki Unimwaane James R. Rasband nakon te beretitentii n te titeiki n ririki aika a nako, e namakinna bwa e aki tauraoi. “E bon kairua aio,” e taku n ana iango.
E namakinna bwa e aki tau n aron naba anne ngke te 19 ana ririki ni maiu inanon rinna n te Tienta ni Kataneiai ibukiia Mitinare i Provo ibukin katauraoana n ana mwakuri ni mitinare ae bwanin taina nako Seoul, Korea Maiaki. “N na kanga ni karaoa aei?” e miimi.
N aro aika uoua, bon titebo te kaeka: “Tiiku iai. E roko te kimwareirei.” Ke, n ana taeka tinana, “Te Uea e aki kainnanoia aomata aika a kororaoi. Tii karaoa te mwakuri.”
E namakina tabeua rarawana ngkai e a roko ni weteana ae boou ae te Mataniwi ni Kabuta n te Itingaun, ma e ataa te kaeka: “E tii kainnanoira Tamara are i Karawa bwa ti na nako ni mwakuri ao n tibwaua te rongorongo ni kamaiu ao ae kakukurei ibukin Natina ao Ana angakarea ni kamaiu Natina.”
James Richard Rasband e bungiaki i Seattle, Washington, USA, irouia James E. ao Ester Rasband ni Maati 20, 1963. E ikawairake i Pebble Beach, California, USA, n te mweenga ae kaania 180 te miita mai irarikin taari .
Unimwaane Rasband e kaitibo ma Mary Diane Williams n ana moan ririki i Brigham Young University. A kaai ni kororeta imarenaia inanon ana tai ni kamatebwai itinaniku nimaua te namwakaina i Iteraera ao ni kabwanina ana mwakuri n ibuobuoki i Korea Seoul Mition. A mareaki n te Los Angeles California Tembora n Aokati 11, 1984. Boni kaaro aika aman natiia.
Imwiin okina ni mitinare, e kabanea ana baetura tikurii n te Ingiriti ao kamatebwaian Near Eastern i BYU n 1986 ao imwiina e karekea ana beeba n taokita ibukin te tua mai Harvard Law School n 1989. Imwiin ana kataneiai ibukin te tua ibukin nimaua te ririki i Seattle, e oki nako BYU n 1995 n raoniia ataein te reirei man J. Reuben Clark Law School. E a tia ni beku bwa te n reirein te tua man 2009 nakon 2016, ngke e riki te kauoman ni beretienti i BYU.
Unimwane Bangerter e a tia ni beku bwa te Itingaun n te Aono, beretitenti n te titeiki, kauntira n te beretitentii n te titeiki, bitiobi, ao te beretitenti irouia Ataeinimwaane.