Unimwaane L. Todd Budge
Mataniwi ni Kabuta n te Itingaun
Ngke te ataeinimwaane Todd Budge, a reireinna ana karo aron ukoukoran ana kantaninga te Uea. Rinanon maiuna, e a tia ni kataia ni maiunakina te reirei anne inanon nako ana babaire.
Ririki ake imwiina, imwiin tiana ma kainnabana ni maeka ni mweengaia ma niman natiia, e karekei namakin n tamnei bwa e na kitana ana mwakuri n te bangke ao kawakinan te mwane. Te bitaki aei e kainnanoa ae e na anga nako ana mwakuri n ae bon riai ibukin katean arona nakon ana mwakuri ae boou.
Imwiin te mwakuri ao te katauraoi ae mwaiti ni bitakin te mwakuri, Unimwaane Budge e kaitibo ma temanna ae e bon tau bwa e na anganna taeka n reirei. E bareia te aomata aei bwa e na tiku Unimwaane Budge n ana mwakuri n te bangke, ni kauringnga bwa e mwaiti ana tai n reireiniia ao ni buokiia aomata. “Ti kainnanoia aomata aika a bwaina te etieti ni waakin te bitineti,” e tuangaki iroun teuarei.
E taku Unimwaane Budge bwa te roko anne e riki bwa ana nanoanga Atuara. “N au iango I taku bwa E kan ataia bwa e mena iaa nanou,” e taku. “N te tai are e ataa iai nanou te Uea, E aki kainnanoa te anga karea, ao I onimakinna bwa E kona ni kamanenaai ibukin Ana kantaninga n akea bitakin te mwakuri.”
Ana mwakuri e kariaia ae e na riki bwa te anainano ibukin te raoiroi n te bitineti n te aonaaba, ni kauki naba mataroa ibukin tibwauaan te euangkerio i Japan.
E bungiaki Lawrence Todd Budge n Ritembwa 29, 1959, i Pittsburg, California, USA, irouia Lowell Jensen ao Deanna Price Budge. E kaitibo ma Lori Capener n aia moan ririki i Brigham Young University. Waniua te namwakaina mai imwiin okina ni beku i Japan Fukuoka Mition, a mareaki n te Logan Utah Tembora. Iai onoman natiia.
Imwiin ana angabeeba mai BYU n 1984 ma ana baetura tikurii n te ikanaomiki, e beku Unimwaane Budge ibukin Bain & Company Japan; Citibank, N.A.; ao GE Capital. E riki bwa te beretienti ao te tiibi aobiti ni kakoroi mooti i Tokyo Star Bank Limited n 2003, ni beku bwa te tia babaire ibukin te bangke man 2008 nakon 2011.
Unimwane Bugde e a tia ni beku bwa te Itingaun n te Aono, te beretitenti n te Japan Tokyo Mition, beretitenti n te titeiki, bitiobi, beretitenti n te kooram n unimwane, ao te beretitenti irouia Ataeinimwaane.