Unimwaane Hans T. Boom
Mataniwi ni Kabuta n te Itingaun
Ngke waniua ana ririki Unimwaane Hans T. Boom, ana utu a mwaing nako Amsterdam nakon te kaawa ae Breda, are te mwakoro i meangin Netherlands. Tamana, ae kain Holland are e ikawairake i Indonesia ao e rairaki nakon te Ekaretia, e namakinna bwa ana utu a riai ni kitana te kaawa ae bubura ao n okira mweengaia ana bakatibu.
N te tai are e kabanea iai ana tai Unimwaane Boom ma ana utu n te mwaanga ae uarereke anne e kakoaua bwa e riki bwa te tabo ni kataneiai n te mwakuri n ibuobuoki n te Ekaretia—te mwakuri n ibuobuoki are e a tia n anga inanon maiuna ao e na reitinako n anga nakon weteana ae boou bwa te Itingaun n te Aono.
“I bae iroun te Uea n arou ao bwaai ni kabane ake iai irou ao tibwangau ake E a tia n anganai bwa N na reikinii ao n rikirake,” e taku.
E bungiaki n Turai 13, i Amsterdam nakoia Hans ao Ankie Boom, Hans Theodorus Boom bon te kauoman n ikawai irouia natin Boom aika aman. Ana karo a reirei taekan te euangkerio ni mweengaia ao a kaungaia natiia bwa a na mwakuri korakora.
Ngke 18 ana ririki, Unimwaane Boom e nako ni mitinare i England London Mainiku Mition. Tabeua te namwakaina imwiin banen ana mitinare, e kaitibo ma buuna, Ariena Johanna “Marjan” Broekzitter, n ana maungatabu te Ekaretia irouia kairake n ikawai. A mareaki taangaia n Turai 27, 1984, i Rhoon, Netherlands, ao a kabaeaki tenibong imwiina n te London England Tembora. Iai teniman natiia aika mwaane.
Unimwaane Boom mwakuri bwa te tia koroboki iroun te Mataniwi n te Markenhage College ao te tia kateirake ibukin te Franchise Development Benelux. N te tai are e weteaki iai bwa te Mataniwi ni Kabuta, e riki ngaia bwa te manatia n te boobwai n te MacLean Agencies.
Unimwaane Boom e a tia ni riki bwa te Itingaun n te Aono, kauntira n te titeiki beretitentii, beretitenti irouia Kairake n Ataenimwaane, beretitenti n te mwaanga, ao te kauntira n te beretitentii ibukin te mwaanga. N te tai are e weteaki iai, e riki ngaia bwa te tia reirei n te intitiute ao te tia mwakuri ibukin otenanti n te Hague Netherlands Tembora.