Haʻu, ʻo Muimui ʻIate Au
Te ke fakamālohia fēfē ho fāmilí ʻi he manavaʻofá?
Ko e Fāmilí: Ko ha Fanongonongo ki Māmani
‘Oku fokotuʻu mai ‘e he fanongonongo ʻa e fāmilí ha ngaahi tefitoʻi moʻoni lahi ki hono fakamālohia ‘o e ngaahi fāmilí, ʻo hangē ko e: “tuí, lotú, fakatomalá, faʻa fakamolemolé, fakaʻapaʻapá, ‘ofá, manava‘ofá, ngāué, mo e ngaahi ‘ekitivitī ‘oku fakatupulakí.”1 ʻE lava ke tokoni hono ako mo fakaʻaongaʻi e ngaahi tefitoʻi moʻoni takitaha ko ʻení ke tau fokotuʻu ai ha ngaahi vā fetuʻutaki ʻoku mālohi angé. Hangē ko ʻení, fakakaukau ki he tefitoʻi moʻoni ʻo e manavaʻofá.
ʻOku fēfē ʻa e manavaʻofá ʻi ʻapí?
Ko e founga ʻe taha ʻoku tau fakahaaʻi ai ʻa e manavaʻofá ʻi he ʻapí ko e “fefuaʻaki ʻa ʻetau ngaahi kavengá” (Mōsaia 18:8). Ko e hā te ke lava ʻo fai ke tokoni ki he kau mēmipa ho fāmilí ʻi he ngaahi faingataʻa ʻoku nau fehangahangai mo iá?
ʻOku fakahaaʻi fēfē mai ʻe Sīsū Kalaisi ʻa e manavaʻofá kiate kitautolú?
Lau fekauʻaki mo e founga naʻá Ne ngāue fakaetauhi ai ki he kau Nīfaí ʻi he 3 Nīfai 17:5–10. Ko e hā ʻokú ke ako fekauʻaki mo e manavaʻofá mei he sīpinga ʻa Kalaisí?
Ko e manavaʻofa ʻa e Fakamoʻuí
“Ko e taha e ngaahi ʻulungaanga ʻo e Fakamoʻuí ʻoku tau houngaʻia taha aí, ko ʻEne ʻofa taʻe fakangatangatá. …
“… Te ke lava pea kuo pau ke ke hoko ko ha konga mahuʻinga ʻo ʻEne fakafiemālieʻi ʻa kinautolu ʻoku fie maʻu ha fakafiemālié” (Henry B. Eyring, “Ko e Fakafiemālié,” Liahona, Mē 2015, 17).
Ko hai te ke lava ʻo fai ki ai ha fakafiemālié?