“E Tu na iNuinui,” Liaona, Sepi. 2022.
Oni sa Kidavaki Mai kina iLavelave Oqo
E Tu na iNuinui!
Se cava ga na bolebole eda sotava, sa noda inuinui o Jisu Karisito. E tauyavutaka o Elder Ronald A. Rasband ena Kuoramu ni iApositolo Le Tinikarua na itoko ni ilavelave ni vula oqo vata kei na dina totoka oya ena nona itukutuku vou, “iNuinui kei na Vakacegu vei Karisito” (tabana e 4).
Kivei ira e vuqa na itubutubu, na itukutuku ni inuinui e gadrevi vakabibi nira cakava nodra vinaka taucoko me ra susugi ira na gone ena dua na vuravura dredre. Peresitedi Russell M. Nelson e vakavulica: “O vu ni meca sa valuta tikoga na noda vakabauta kei keda kei na noda vuvale ena kena kaukauwa sara. Meda bulaqaqa tiko ga vakayalo, ena gadrevi noda viribaita ka qaseta noda lalawa ka ni tuvatuva” (“Nai Dola ni Vosa,” Liahona, Nove. 2018, 7). Me tokoni ira na itubutubu ena cakacaka tabu oqo, sa dau segata tikoga na Lotu me vakarautaka na ivurevure e veiganiti ka yaga sara.
Ena ilavelave ni vula oqo, keirau wasea kei na noqu itokani‑dauvolaivola e dua na ivakarau vei ira na itubutubu e kauta vata mai na ivakavuvuli ni kosipeli kei na iwalewale e rawa ni vukei ira na itubutubu me vaqaqacotaka na veiliwai kei ira na luvedra, susuga cake na nodra vakabauta, ka tara cake na duavata (raica na “E Dua na iVakarau Qaqa ni Veisusu” ena tabana e 10).
Na Yalo Tabu e rawa ni dusimaki keda kina inuinui kei na veivuke eda gadreva. E vakavulica o Elder José A. Teixeira ena Vitusagavulu na sala eda rawa ni ciqoma vakalevu cake kina na veituberi mai vua na Yalo Tabu ena “Digitaka mo Vakanananu Vakayalo” (tabana e 40).
Keirau nuitaka ni ilavelave oqo ena vukei iko kei na nomu matavuvale mo kunea na inuinui, vakila na loloma levu cake, kei na reki e levu cake.
Wekamuni dina,
Maren Daines, JD
Kenadau ena Vakatorocaketaki ni Lawatu ni Matavuvale kei na Parokaramu e Vuravura Raraba