Na cava e vakavulica o Aisea me baleta ni Dua e iTalai ni Turaga?

Na Turaga e dau vakatokai ira na Daumuri Koya me ra Nona italai se ivakadinadina. Na vei vosa oqori era sa matau tu ena ivolanikalou, ka sega ni vakatarai na ivola i Aisea. Ena gauna ni Veiyalayalati Makawa, vakakina nikua, sa solia na Turaga vei ira na tamata na madigi eso mera qaravi Koya ka mera ivakadinadina bula kei Koya.

• Ni o wilika na Aisea wase 40–49, vakaraica na gauna e kaya kina na Turaga me “tamata dauveiqaravi” se “ivakadinadina.” O cei e tukuna tiko o Koya? Vakaraica na veitikina e vakavulica na sala mo ivakadinadina ka italai kina vua na Turaga, me vaka na Aisea 44:2.

  iVakatakilakila

  vunau tiko o Josefa Simici

  Vunau tiko o Josefa Simici, mai vei Sam Lawlor © 2001

• Oti, ni o wilika na wase 41–44, sa rawa mo vakasamataka na tikina cava e rawa ni vakayagataki ki na nomu veikacivi se veiqaravi. Na cava e kerei iko tiko kina na Turaga mo cakava, ka na vukei iko vakacava o Koya?

  iVakatakilakila

  tolu na marama matadredredre

• Na madigi cava soti sa soli vei iko mo italai se ivakadinadina ni Turaga? Na ivakaraitaki e rawa ni dua na veikacivi, kaulotu, vakavulici ni nomu matavuvale, se veiqaravi tale eso. Sa rawa mo vola na veika oqori ena nomu ivolaniveisiga. Na cava o vulica mai kina? A vukei iko vakacava na Turaga?

  iVakatakilakila

  daukaulotu era veiqaravi