“Na Cava Eda Rawa ni Cakava Meda ‘Vakatu [Daligada] ki na Vuku’?,” Liaona , Sepi. 2022.
Lako Mai, Mo Muri Au
Na Vosa Vakaibalebale 1–4; 15–16
Na Cava Eda Rawa ni Cakava meda “Vakatu [Daligada] ki na Vuku”?
Ena vuqa na itukutuku lasu e vuravura, e rawa ni dredre me tuvai taucoko ka kunei na dina tawamudu. E kila tu oqo na Tamada Vakalomalagi, ka kila o Koya ni vuqa vei ira na Luvena era vakasaqara tiko na kena isau. Eda vakavinavinaka, ni vuqa na isau ni taro torocake ni bula e rawa ni kune ena ivolanikalou, ena vosa ni koniferedi raraba, se mai na ivakatakila ki na tamata yadua. Ena sega ni muataki keda vakatani na Tamada Vakalomalagi.
iTaviqaravi
Ena Vosa Vakaibalebale, eda dau wilika wasoma me baleta na vuku. Wilika na wase 2 kei na 3 yadudua se vakailawalawa ka vakaraica na veitikina e veivosakitaka na sala eda vakasaqara kina na vuku. Me kena ivakaraitaki, Na Vosa Vakaibalebale 1:5 e kaya, “Ena rogoca e dua na tamata vuku, ka na vakalevutaka na nona vuli; ia ena soli vei ira na tamata vuku na ivakasala yalomatua.”