Liutaki mai vei ira na Parofita Bula

iVakatakilakila

Ira na iliuliu ni Lotu ena mata ni ivakatakarakara i Karisito

O ira na parofita era sa tamata kacivi mai vua na Tamada Vakalomalagi me ra vosa ena Vukuna. Era vakadinadinataki Jisu Karisito ka vakavulica na Nona kosipeli. O ira era lewena Na Lotu i Jisu Karisito ni Yalododonu Edaidai era vakabauti ira ruarua na parofita ni gauna makawa kei ira ena gauna oqo.

Sa Dau Vosa na Kalou mai vei ira na Parofita

Era ciqoma na parofita na ivakatakila mai vua na Kalou. Ni ra vakauqeti na parofita mera vakavulici keda, e tautauvata sara ga me vaka ga ni vosa tiko vei keda na Kalou (raica na Vunau kei na Veiyalayalati 1:38). Eda rawa ni nuitaka nira sa tukuna tiko vei keda na veika e vinakata na Kalou meda kila.

Era Vakavuvulitaki Jisu Karisito na Parofita

iVakatakilakila

Momani kei na peleti koula

Vakalailaitaka tiko na Peleti o Momani, mai vei Tom Lovell

Na parofita kecega era vakadinadinataki Jisu Karisito. Era vakavulica vei keda nio Koya na Luve ni Kalou. Era vakavulici keda me baleta na Nona bula, ivakaraitaki, kei na Veisorovaki. Ka ra vakaraitaka vei keda na sala meda muri Koya ka talairawarawa kina Nona ivakaro.

Nodra iTavi na Parofita

Era vakatavulica na kosipeli i Jisu Karisito na parofita. Era vakamacalataka na veivakalougatataki eda ciqoma ni da talairawarawa kina ivunau kei na kena isau eda ciqoma kevaka eda sega ni muria. Ena so na gauna, era rawa ni vakauqeti mera tukuna vei keda na veika ena yaco mai muri.

Ira na Parofita ena Gauna Makawa

iVakatakilakila

Mosese kei na vatu raraba

Mosese kei na Vatu Raraba, mai vei Jerry Harston

Sa vakavulici ira na tamata mai na ivakatekivu na Kalou mai vei ira na parofita. O ira na parofita era a bula ena gauna ni Veiyalayalati Makawa e oka kina o Atama, Noa, Eparaama, Mosese, Aisea, kei ira tale eso. Era a tu talega na parofita ena kedra maliwa na tamata ena iVola i Momani. O ira na parofita oqo era okati kina o Liai, Mosaia, Alama, kei Moronai. E rawa nida vulica na veika era vakavulica ena noda wilika na ivolanikalou.

Ira na Parofita ni Gauna Oqo

O Joseph Smith e a imatai ni parofita ena gauna oqo. A vakalesuya mai o koya na Lotu i Jisu Karisito ki vuravura. Sai Russell M. Nelson na parofita ka Peresitedi ni Lotu nikua. Oi rau na nona daunivakasala ena Mataveiliutaki Taumada kei ira na iApositolo Le Tinikarua era sa parofita, daurairai, ka dauvakatakila tale ga.

Na Vakarorogo vua na Parofita.

iVakatakilakila

rau sara koniferedi tiko na veiwatini ena dua na talevoni

E dau vosa vei keda na parofita ena gauna ni koniferedi raraba kei na so tale na gauna. E dau vakavulica vei keda na veika e vinakata na Kalou meda kila kei na sala meda muri Jisu Karisito kina nikua. Eda rawa ni kunea na nona ivakavuvuli ena Liaona kei na ChurchofJesusChrist.org.

Veivakalougatataki ni nodra Vakamuri na Parofita

Eda na vakalougatataki keda muria na ivakavuvuli ni parofita. Nida muria na parofita, eda rawa ni kila nida sa cakava tiko na ka e vinakata na Kalou meda cakava. E rawa nida vakila na vakacegu ena noda bula ka toro voleka yani vei Jisu Karisito.