“Na Cava e Vakavulica o Aisea me baleta na Nodra Vakasoqoni vata na Isireli?,” Liaona, Sepi. 2022.
Lako Mai, Mo Muri Au
Na cava a Vakavulica o Aisea me baleta na Nodra Vakasoqoni Vata na Isireli?
E dua na rai kei Salt Lake City, mai vei James Taylor Harwood
A vakayagataka na ivakatakarakara o Aisea me vakavulica kina na nodra vakasoqoni vata na Isireli. Vakasamataka na ivolanikalou oqo: “Ia ena vakarewataka ko koya e dua na drotini vei ira na veimatanitu, ka vakasoqoni ira vata na Isireli, era sa biu laivi ka vakasoqoni ira vata na Juta era sa veiseyaki tu mai na tutui vuravura e va” (11:12).
Na drotini e dua na kuila se tawake. E wasea o Elder Jeffrey R. Holland ena Kuoramu ni iApositolo Le Tinikarua na italanoa ni nodra a bulia na iliuliu ni Lotu e dua na drotini, e dua na “kuila vakawawa, ka kaburaka na buca cecere o Salt Lake kei na veiulunivanua me vanua parofisaitaki me na tadu yani kina na vosa ni Turaga ena veisiga mai muri.”1
Na ivakatakarakara kei na veivakararamataki cava tale e semati ki na veiseyaki kei na vakasoqoni vata i Isireli e rawa ni o kunea ena Aisea wase 2, 5, kei na 11?
Sa vukei keda vakacava na noda parofita ni gauna oqo me da kila vakavinaka cake na nodra vakasoqoni vata na Isireli?
E rawa ni veivuke me vulici na veika era sa tukuna na parofita ni gauna oqo me baleta na ivakavuvuli nei Aisea kei na vakasoqoni vata i Isireli. Sa rawa mo raica e dua vei ira na vosa ni koniferedi raraba oqo Russell M. Nelson ka vola na sala eso o rawa ni vukea kina na vakasokumuni Isireli:
-
“Sa Kalougata ko Ira sa Dautataro,” Liaona, Nove. 2002, 39–42
-
“Nodra Vakasoqoni Vata na Isireli era sa Veiseyaki Tu,” Liaona, Nove. 2006, 79–82
-
“Me Qaqa Tikoga na Kalou,” Liaona, Nove. 2020, 92–95