« តើព្រះដឹកនាំខ្ញុំឲ្យធ្វើកិច្ចការរបស់ទ្រង់ដោយរបៀបណា ? » លីអាហូណា ខែ កក្កដា ឆ្នាំ ២០២៣ ។
ចូរមកតាមខ្ញុំ
តើព្រះដឹកនាំខ្ញុំឲ្យធ្វើកិច្ចការរបស់ទ្រង់ដោយរបៀបណា?
នៅពេលយើងអានដំណើររឿងនៃការប្រែចិត្តជឿរបស់សុល យើងទទួលបានការបំផុសគំនិតដោយការឆ្លើយតបរបស់លោកទៅកាន់ព្រះអង្គសង្គ្រោះថា ៖« ព្រះអម្ចាស់អើយ តើទ្រង់សព្វព្រះហឫទ័យឲ្យទូលបង្គំធ្វើដូចម្តេច ?» ( កិច្ចការ ៩:៦ ) ។ ក្នុងនាមជាសិស្សនៃព្រះយេស៊ូវគ្រីស្ទ យើងតែងតែសួរសំណួរស្រដៀងគ្នាមួយនៅពេលយើងព្យាយាមចូលរួមធ្វើកិច្ចការរបស់ព្រះអម្ចាស់ ។
ប៉ុន្ដែតើមានអ្វីកើតឡើងបន្ទាប់ពីយើងសួរសំណួរនោះ ? តើយើងទទួលបានការណែនាំដើម្បីដឹងពីព្រះទ័យរបស់ព្រះចំពោះការងាររបស់យើងយ៉ាងដូចម្ដេច ?
មានឆន្ទៈដើម្បីធ្វើតាម
ជាការឆ្លើយសំណួររបស់ សុល អំពីអ្វីដែលលោកគួរធ្វើ នោះព្រះអម្ចាស់បានឆ្លើយតបភ្លាមៗ ដោយណែនាំឲ្យលោកទៅកាន់ ស្រុក ដាម៉ាស ។ ពេលខ្លះយើងសង្ឃឹមថាព្រះអម្ចាស់នឹងផ្ដល់ការណែនាំច្បាស់ៗដូចគ្នានេះដល់យើង ។ ប៉ុន្តែយើងមិនចាំបាច់រង់ចាំការណែនាំមួយជំហានម្តងៗមុនពេលយើងចូលរួមធ្វើកិច្ចការរបស់ព្រះនោះទេ ។
អែលឌើរ ឌៀថើរ អេហ្វ អុជដូហ្វ ក្នុងកូរ៉ុមនៃពួកសាវកដប់ពីរនាក់បាន បង្រៀនថា « ជាញឹកញាប់ចម្លើយចំពោះការអធិស្ឋានរបស់យើងមិនបានទទួលនៅពេលយើងកំពុងលុតជង្គង់ចុះនោះទេ ប៉ុន្តែនឹងទទួលបានខណៈពេលដែលយើងកំពុងបម្រើព្រះអម្ចាស់ និងមនុស្សជុំវិញខ្លួនយើង » ( « Waiting on the Road to Damascus » លីអាហូណា ខែ ឧសភា ឆ្នាំ ២០១១ ទំព័រ ៧៦ ) ។
សូមពិចារណាពីរបៀបដែលព្រះអម្ចាស់បានដឹកនាំមនុស្សទាំងពីរនេះ ទៅកាន់ឱកាស នៃការបម្រើដោយសារពួកគេមានឆន្ទៈដើម្បីប្រព្រឹត្តិតាម ៖
-
សុល នៅក្នុង កិច្ចការ ៩:២០
-
ពេត្រុស នៅក្នុង កិច្ចការ ៩:៣២–៤២