តើការធ្វើជាគ្រីស្ទានមានន័យដូចម្ដេច ?

រូបភាព

ព្រះយេស៊ូវកំពុងបង្រៀនបណ្តាជន

Christ Teaching His Disciples [ ព្រះគ្រីស្ទបង្រៀនសិស្សរបស់ទ្រង់ ] សាលាអង់គ្លេសទស្សវត្សរ៍ទី១៩ © Look and Learn / Bridgeman Images

នៅក្នុងគម្ពីរកិច្ចការយើងរៀនថា ពួកសិស្សដែលដើរតាមព្រះគ្រីស្ទ នៅក្នុងសាសនាចក្រពីជំនាន់បុរាណ « គេហៅពួកសិស្សថា ពួកគ្រីស្ទាន » ( កិច្ចការ ១១:២៦ ) ។ ដូច្នេះហើយ បានជាសមាជិកនៃសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ខិតខំព្យាយាមធ្វើជាគ្រីស្ទានដ៏ល្អ ។ ប៉ុន្តែតើការធ្វើជាគ្រីស្ទានមានន័យដូចម្ដេច ?

វាមិនមែនជាការប្រកាសដ៏សាមញ្ញមួយនៃសេចក្តីជំនឿនោះទេ ។ ការធ្វើជាគ្រីស្ទានមិនមែនគ្រាន់តែមានឈ្មោះដែលហៅថាគ្រីស្ទានតែប៉ុណ្ណោះនោះទេ ។ អែលឌើរ រ៉ូបឺត ឌី ហែល ( ឆ្នាំ ១៩៣២–២០១៧ ) ក្នុងកូរ៉ុមនៃពួកសាវកដប់ពីរនាក់បានសួរថា ៖ « តើយើងជាគ្រីស្ទានបែបណា ? និយាយម្យ៉ាងទៀត តើយើងមានឥរិយាបទបែបណាដើម្បីធ្វើតាមព្រះគ្រីស្ទ ? »^១

គុណលក្ខណៈដូចព្រះគ្រីស្ទ

អែលឌើរ ហែល បានលើកទឹកចិត្តយើងឲ្យវាយតម្លៃការរីកចម្រើនរបស់យើងក្នុងការអភិវឌ្ឍគុណលក្ខណៈដូចជាព្រះគ្រីស្ទដូចខាងក្រោមនេះ ៖^២

ស្រឡាញ់
សេចក្តីជំនឿ
ពលិកម្ម
ការខ្វល់ខ្វាយ
ការបម្រើ
ការអត់ធ្មត់
ភាពសុខសាន្ត
ការអភ័យទោស
ការប្រែចិត្តជឿ
កាន់ខ្ជាប់ដរាបដល់ចុងបំផុត