Luka 18–21

A o malaga agai atu Iesu Keriso i Ierusalema mo le toe taimi, sa Ia aoao atu Lana talalelei ma faatinoina vaega i tagata. Na Ia malaga faatupu atu i Ierusalema, toe faamama le malumalu, ma aoao atu i tagata iina.

Ua maea ona e aoao e uiga i le tele o mea na tutupu o loo tusia i le Luka 18–21 mai lou suesueina o le Mataio ma le Mareko.

Ata

O Iesu ma le Taulealea Mauoa

Ata

O Le Malaga Faatupu

A o malaga atu Iesu Keriso i Ierusalema mo le toe taimi, sa Ia aoao atu le tele o faataoto ma faamalolo i tagata e toatele. Sa Ia valaaulia le taulealea maua e foai atu ana mea uma i e matitiva ae mulimuli atu ia te Ia. Sa Ia faamalolo i se tagata tauaso. E ui ina tauemuina, ae sa Ia talisua ma se tasi o telona sili i Ieriko. [tagai foi Mataio 19–20; Mareko 10.)

Sa taunuu Iesu i Ierusalema, ma i le lotolotoi o alalaga o le faamanu, sa tietie atu i se tamai asini a o Ia ulu atu i le aai. Sa Ia toe tutulieseina foi le au faatau tupe mai le malumalu, aoao atu tagata iina, ma tali atu i fesili mai le au faitaulaga sili ma le au tusiupu. Sa Ia viia se fafine ua oti lana tane na ofoina atu ana tupe iti e lua i le mea e teu ai oa o le malumalu. Sa Ia aoao atu foi le au soo e uiga i Lona Afio Mai Faalua.

O le tele o tala o le a e suesueina i lenei lesona e tulaga ese lava i le Evagelia a Luka. Ina ia saunia e suesue le Luka 18–21, tali fesili nei i le avanoa ua saunia:

O a tagata e ono faaalia ai ua manao moni se tagata e faalatalata atili i le Alii? O a amioga e faaalia ai ua matua manao moni ina ia faamagaloina po o le manao i le fesoasoaniga a le Alii?

Faitau fuaitau taitasi o mau i le siata o loo avatu ai, ma mafaufau i tali i fesili. Atonu e te manao e faailoga mea ua e maua.

1. Tali fesili nei i lau api talaaga mo le suesueina o tusitusiga paia:

   1. O a ni mea e tutusa ai na e matauina i faatinoga a tagata autu taitoatasi?

   2. O a ni mea e tutusa na e matauina i mea na maua e tagata autu taitoatasi o se taunuuga o ana faatinoga?

O le mataupu faavae e tasi o loo aoao mai e nei tala o le afai tatou te faamaoni ma tumau ai a o tatou faatinoina le faatuatua i le Alii, e mafai ona tatou maua Lona alofa mutimutivale.

Faitau le saunoaga a Elder David A. Bednar o le Korama a Aposetolo e Toasefululua, ma vaavaai mo mea o loo ta’u mai ai se tagata e faatinoina le faatuatua i le Alii: “O le faamaoni i le faatuatua e taulai atu i le Alii o Iesu Keriso ma taitai atu ai e le aunoa i faatinoga amiotonu“ (“Ole Atu i le Faatuatua,” Ensign po o le Liahona, Me 2008, 95).

Atonu e te manao e tusi le faamatalaga lenei i autafa o au tusitusiga paia.

2. I lau api talaaga mo le suesueina o tusitusiga paia, tusi ai ni nai auala e mafai ona e faatino ai le faatuatua ia Iesu Keriso i le aso. O a faamanuiaga o le faatinoina o le faatuatua i aso taitasi ia Iesu Keriso?

Faitau le saunoaga lea a Elder Bednar, ma vaavaai mo mea na ia fetalai ai i le uiga o le maua o le alofa mutimutivale o le Alii:

Ata

Elder David A. Bednar

“O au lava suesuega, matau, manatunatu loloto, ma le tatalo, ua ou talitonu ai ua ou malamalama lelei o le alofa mutimutivale o le Alii o ni faamanuiaga patino taitasi, o le malosi, puipuiga, mautinoa, taitaiga, alofa ma le agalelei faamafanafanaga, lagolagosua, ma meaalofa faaleagaga tatou te maua mai i le Alii o Iesu Keriso. E moni, e pei ona loto i ai le Alii ’e tusa ma lona alofa mutimutivale ma tulaga eseese o le fanau a tagata’ (MF&F 46:15.

“… Sei ou fautua atu o se tasi o ala e afio mai ai le Faaola ia i tatou taitoatasi e auala mai i Lona alofa mutimutivale agamalu naua. Mo se faataitaiga, a o tatou fetaiai ma luitau ma tofotofoga i o tatou olaga, o le meaalofa o le faatuatua ma se lagona talafeagai o le talitonuga patino lea e sili atu nai lo tatou lava malosi o ni faataitaiga ia se lua o le alofa mutimutivale agamalu o le Alii. O le salamo ma le faamagaloina o agasala ma le filemu o le mafaufau o faataitaiga na o le alofa mutimutivale o le Alii. Ma o le naunautai ma le lototele lea e mafai ai ona tatou fetuleni atu i luma ma le laufofoga fiafia e ui i ni toatuga faaletino ma ni faigata faaleagaga, o faataitaiga na o le alofa mutimutivale o le Alii“ (“O Le Alofa Mutimutivale o le Alii,” Ensign po o le Liahona, Me 2005, 99–100).

3. Tali fesili nei i lau api talaaga mo le suesueina o tusitusiga paia:

   1. O a ni auala na e faatino ai pe faatino e se tasi e te iloa le faatuatua ia Iesu Keriso? O le a le alofa mutimutivale na e maua pe maua e se tasi e te iloa ona o lena mea?

   2. Mafaufau pe o a auala e te manao ai i le fesoasoaniga a le Alii po o le alofa mutimutivale i lou olaga. O le a se mea e te faia e faatino ai lou faatuatua i le Alii ina ia e maua ai Lona alofa mutimutivale?

4. Tusi le mea lenei i lalo o le galuega atofaina o le aso i lau api talaaga mo le suesueina o tusitusiga paia:

   Ua ou suesueina le Luka 18–21 ma faamaeaina lenei lesona i le (aso).

   O fesili, mafaufauga ma manatu faaopoopo ou te fia faasoa atu i lo’u faiaoga: