Ejani te Krishti

Deri në vitin 30 pr.K. nefitët “kishin rënë në një gjendje mosbesimi dhe ligësie të tmerrshme” dhe qenë “gati për shkatërrim” (Helamani 4:25; 5:2). I lodhur për shkak të ligësisë së njerëzve, Nefi dha dorëheqjen nga froni i gjykimit dhe, me vëllanë e tij Lehin, ia përkushtoi pjesën e mbetur të jetës së vet predikimit të ungjillit (shih Helamani 5:4). Përpara se të niseshin në misionet e tyre, ata kujtuan një këshillë të rëndësishme që kishin marrë nga ati i tyre, Helamani.

Pamja

ikonë, studioni

Studioni në Përgatitje për Orën Mësimore

Lexoni te Helamani 5:9–12, duke kërkuar atë që Helamani u mësoi të bijve rreth arsyes përse nevojitej që ata ta ndërtonin jetën e tyre mbi themelin e Jezu Krishtit.

Pamja

tornado

Pamja

ikonë, përsiatni

Përsiatni në Përgatitje për Orën Mësimore

Helamani i përshkroi sfidat e jetës duke përdorur shëmbëlltyrën e stuhive. Me çfarë stuhish po përballeni për të cilat do t’ju duhej ndihma e Zotit?

Ndërsa shërbente në Presidencën e Përgjithshme të Shoqatës së Ndihmës, Motra Sheri L. Dju, dha mësim se përse Jezu Krishti është i vetmi themel i sigurt i yni:

Pamja

Motra Sheri L. Dju

“I lënë vetëm me mundësitë e tij, njeriu i natyrshëm i nënshtrohet në mënyrë të pashmangshme Satanit (shih Mosia 3:19), i cili e braktis prenë e tij pasi e josh duke e nxjerrë nga shtegu i ngushtë dhe i ngushtuar. Por Shpëtimtari do t’i udhërrëfejë të gjithë ata që e ndjekin Atë gjatë gjithë rrugës për në shtëpi. …

Zoti e di udhën sepse Ai është udha dhe është mundësia jonë e vetme për tʼu orientuar me sukses në vdekshmëri. Shlyerja e Tij e mundëson të gjithë fuqinë, paqen, dritën dhe forcën që na nevojitet për t’u marrë me sfidat e jetës – ato që radhiten nga vetë gabimet dhe mëkatet tona deri te sprovat mbi të cilat nuk kemi asnjë kontroll por [në të cilat] prapëseprapë ndiejmë dhembje.

… Ai premtoi se nëse do ta ndërtojmë jetën tonë mbi shkëmbin e Tij, djalli nuk do të ketë asnjë fuqi mbi ne [shih Helamani 5:12]. Dhe Ai është betuar se nuk do të na lërë e as nuk do të na braktisë kurrë [shih Hebrenjve 13:5]. Thjesht nuk ka asnjë të vdekshëm të barasvlershëm me Të. Nuk ka asnjë të vdekshëm të barasvlershëm për nga zotimi, fuqia ose dashuria. Ai është mundësia jonë e vetme.” (“Our Only Chance”, Ensign, maj 1999, f. 66–67.)

Pamja

ikonë, përsiatni

Përsiatni në Përgatitje për Orën Mësimore

Si ju ka ndihmuar ndërtimi i themelit tuaj mbi Jezu Krishtin për t’iu bërë ballë stuhive që ju kanë ardhur në jetë?

Në kapitullin e fundit të Librit të Mormonit, Moroni i fton të gjithë njerëzit të vijnë te Jezu Krishti.

Pamja

ikonë, studioni

Studioni në Përgatitje për Orën Mësimore

Lexoni te Moroni 10:30, 32–33, duke kërkuar ato që Moroni tha se vijnë si rrjedhojë e zgjedhjes sonë për të ardhur te Jezu Krishti.

Plaku D. Tod Kristoferson, i Kuorumit të Dymbëdhjetë Apostujve, shpjegoi se ç’do të thotë të “vini te Krishti” (Moroni 10:30, 32):

Pamja

Plaku D. Tod Kristoferson

“Ardhja te Krishti është një shkurtim, një mënyrë për ta përshkruar me tri fjalë planin e shpëtimit. Do të thotë të marrim frytet e Shlyerjes dhe Ringjalljes së Tij – përfundimisht jetën e përjetshme. Jeta e përjetshme varet nga ushtrimi i lirisë sonë morale të zgjedhjes, por kjo është e mundur vetëm nëpërmjet hirit të Jezu Krishtit. Të vijmë tek Ai do të thotë që të bëjmë atë çfarë kërkohet për t’u mbajtur tek ai hir – fuqia falëse, shenjtëruese, shndërruese, shëlbuese e sakrificës së Tij të pafundme shlyese.” (“Why We Share the Gospel”, Ensign, gusht 2014, f. 37.)

Pamja

dorë e zgjatur drejt dritës

Presidenti Ted R. Kelister, i cili shërbeu si President i Përgjithshëm i Shkollës të së Dielës, e shpjegoi kështu hirin e Zotit:

Pamja

Presidenti Ted R. Kelister

“Për shkak të Shlyerjes së Tij, Shpëtimtari ka fuqi aftësuese, të cilat ndonjëherë përmenden si hiri[shih Udhëzuesi për Shkrimet e Shenjta “Hir”, scriptures.ChurchofJesusChrist.org], që mund të na ndihmojnë t’i mposhtim dobësitë dhe papërsosuritë tona e në këtë mënyrë na ndihmojnë në synimin tonë për t’u bërë më shumë si Ai.

Moroni dha mësim kështu: ‛Po, ejani te Krishti dhe përsosuni në të … se me anë të hirit të tij ju mund të bëheni të përsosur në Krisht’ [Moroni 10:32]. Duket se ka të paktën dy metoda ose mënyra për të përfituar nga këto fuqi aftësuese që mund të na pastrojnë – madje të na përsosin.

Së pari, ordinancat shpëtuese. … Ndonjëherë, ne mund t’i shohim ordinancat si një listë kontrolli – të nevojshme për ekzaltim; por në të vërtetë secila [prej tyre] çliron një fuqi hyjnore që na ndihmon të bëhemi më shumë si Krishti. …

Një metodë e dytë për marrjen e këtyre fuqive aftësuese janë dhuratat e Shpirtit. Për shkak të Shlyerjes së Krishtit, ne kemi të drejtë të marrim dhuratën e Frymës së Shenjtë dhe dhuratat e saj shoqëruese shpirtërore. Këto dhurata janë tipare të perëndishmërisë; prandaj, sa herë që marrim një dhuratë nga Shpirti, ne bëhemi më shumë si Perëndia.” (“Shlyerja e Jezu Krishtit”, Ensign ose Liahona, maj 2019, f. 87.)

Pamja

ikonë, përsiatni

Përsiatni në Përgatitje për Orën Mësimore

Mendoni rreth asaj që mund të arrini me fuqinë aftësuese ose hirin e Zotit. Çfarë po bëni që tʼi ftoni hirin dhe ndihmën e Zotit në jetën tuaj?

Kur Moroni e përmblodhi analin e jareditëve që tani është pjesë e Librit të Mormonit, ai shprehu shqetësimin se lexuesit e ardhshëm do “të talle[shi]n me këto gjëra, për shkak të dobësisë [së tyre] në të shkruar” (Ethëri 12:23). Zoti e ngushëlloi Moronin duke shpallur: “Hiri im është i mjaftueshëm për të përulurit, që ata të mos përfitojnë nga dobësia juaj” (Ethëri 12:26). Moroni më pas u lut për johebrenjtë, dëshmoi se kishte parë Jezusin dhe iu ofroi një ftesë të rëndësishme të gjithë atyre që përfundimisht do ta lexonin Librin e Mormonit (shih Ethëri 12:36–41).

Pamja

e re duke lexuar Librin e Mormonit

Pamja

ikonë, studioni

Studioni në Përgatitje për Orën Mësimore

Lexoni tek Ethëri 12:41 dhe merreni parasysh se si i jeni përgjigjur ftesës së Moronit gjatë këtij kursi.

Pamja

ikonë, shënoni

Shënojini Mendimet Tuaja

Ndërsa përgatiteni për orën e fundit mësimore, mendoni rreth mënyrës se si ju ka ndihmuar studimi i Librit të Mormonit për të ardhur te Krishti dhe për t’u bërë më shumë si Ai. Përcaktoni mendime, ndjenja, përshtypje ose përvoja specifike që e kanë rritur dëshminë tuaj dhe e kanë thelluar kthimin tuaj në besim. Shënojini mendimet tuaja.

Për t’u përgatitur për ditën tuaj të fundit të mësimit, përzgjidheni dhe plotësojeni njërën nga veprimtaritë vijuese:

• Alternativa 1: Përzgjidhni një fragment ose një mësim nga Libri i Mormonit që ka qenë veçanërisht i fuqishëm në ndihmën që ju ka dhënë për të ardhur te Krishti dhe shënoni se si ka ndikuar te ju.

• Alternativa 2: Përcaktoni një individ në Librin e Mormonit shembulli i të cilit ju ka ndihmuar ta kuptoni më mirë se çfarë do të thotë të vini te Krishti dhe shënojeni atë që keni mësuar.

• Alternativa 3: Përsiatni mënyrën se si ju ka frymëzuar studimi i Librit të Mormonit gjatë kohëve të fundit për të ardhur te Krishti. Shënoni si është rritur dëshmia juaj dhe si është forcuar kthimi juaj në besim te Shpëtimtari.

Pasi t’i shënoni mendimet dhe ndjenjat tuaja, merreni parasysh me lutje se kush mund të bekohet nga ajo që keni shkruar, dhe tregojani atij/asaj. Gjithashtu, përgatituni që t’i tregoni mendimet tuaja gjatë orës mësimore.