Etuhoakyɛ Ho Mbra, Itu Woho Hwɛ Nkabɔmu Nhyehyɛɛ; Nyame N’ahenman Anaa Ɔsor Ahenman iyi so Itu si hɔ, eyɛ no krɔnkrɔn, anaa ema no ho tsew. Etuhoakyɛ ho mbra no yɛ fapem krɔnkrɔn a mbarimba na mbaa nam do tu hɔnho si hɔ dze hɔn mber, talent, na hɔn ahodze ma ma wɔdze kyekyer Nyankopɔn n’ahenman. Hom ntu homho nsi nkyɛn mma Ewuradze ndɛ, Ex. 32:29. Na hɔn a wɔgyee dzii nyina boaa ano na wɔwɔ hɔn adze nyina dɛ kwasafodze, Ndwu. 2:44–45. Na wɔdze hɔn ndzɛmba nyina bɔɔ mu yɛɛ no kwasafodze; dɛm ntsi nna wonnyi ahonyafo na ehiafo, 4 Ne. 1:3. Ewuradze kyerɛkyerɛɛ etuhoakyɛ fapem no mu, N&A 42:30–39 (N&A 51:2–19; 58:35–36). Onnyi dɛ nyimpa kor nya dodow kyɛn kor, N&A 49:20. Wɔmaa ɔbarimba biara dza ɔbɔso n’ebusua pɛpɛɛpɛr, N&A 51:3. Wɔyɛɛ nhyehyɛɛ bi too hɔ ama Ahotseweefo no eenya ɔsor nye asaase ndzɛmba nyina pɛr, N&A 78:4–5. Ɔwɔ dɛ banyin biara ne nsa kã dza ɔhwehwɛ na dza ohia pɛr, N&A 82:17–19. Celestial mbra nko do na wɔnam botum dze akyekyer Zion, N&A 105:5. Enoch no nkorɔfo no nyaa akoma kor na adwen kor na wɔtsenaa ase tseneneeyɛ mu, na obiara annyɛ ohianyi wɔ hɔn mu, Moses 7:18.