Nsa, Ngu do Hwɛ (Asɔfo) Hyɛ, (Asɔfo) Nhyɛe; Ayarfo Nhyira; Sunsum Krɔnkrɔn n’Akyɛdze; Woriyi Esi Hɔ iyi so Wɔdze nsa gu nyimpa ne tsir do dɛ ɔyɛ asɔfo ayɛdze ne fã bi. Asɔfodzi ayɛdze pii wɔ hɔ a wɔdze nsa gu tsir do yɛ, tse dɛ asɔfohyɛ, nhyira mmae, ayarfo nhyira, worisi Asɔrmba pi, na wɔdze Sunsum Krɔnkrɔn rema. Moses dze ne nsa guu Joshua ne tsir do, dɛ mbrɛ Ewuradze hyɛɛ no no, Nka. 27:18, 22–23 (Deut. 34:9). Jesus dze ne nsa guu ayarfo kakra do, na ɔsaa hɔn yarba, Mark 6:5 (Morm. 9:24). Asomafo no dze hɔn nsa guu beesuon no a wɔbɔboa hɔn no do, Ndwu. 6:5–6. Wɔdze nsa guu tsir do dze Sunsum Krɔnkrɔn no mae, Ndwu. 8:14–17. Ananias dze ne nsa guu Saul do ma ohun adze, Ndwu. 9:12, 17–18. Paul dze ne nsa guu no do na ɔsaa no yarba, Ndwu. 28:8. Paul maa enuma nye nsa a wɔdze gu tsir do ho nkyerɛkyerɛ, Heb. 6:2. Alma dze ne nsa guu binom do hyɛɛ hɔn asɔfo na elderfo, Alma 6:1. Jesus maa n’esuafo no tum dɛ wɔmfa nsa ngu do mfa Sunsum Krɔnkrɔn no mma, 3 Ne. 18:36–37. Obiara a hom dze hom nsa bogu no do no, hom dze Sunsum Krɔnkrɔn no bɛma no, Moro. 2:2. Elderfo wɔ dɛ wɔdze hɔn nsa gu mbofra do hyira hɔn, N&A 20:70. Wɔdze nsa bogu hɔn do na wobenya Sunsum Krɔnkrɔn no, N&A 35:6 (G ho N 1:4). Elderfo dze nsa bogu ayarfo do, N&A 42:44 (N&A 66:9). Ɔwɔ dɛ mbofra nya nsagudo ber a woenuma hɔn ewie no, N&A 68:27. Nyimpa nam nsagudo do nya asɔfodzi no, N&A 84:6–16.