Atsɛmbu, Bu Atsɛn Hwɛ Afɔbu, Bu Fɔ; Atsɛmbu, a Odzi Ewiei no; Jesus Christ—Ɔtsɛmbuafo iyi so Dɛ sɛ edze suban bi bɔto asɛmpa ne fapem ho esusu; ebɔbɔ adwenpɔw; dɛ ibenya papa na bɔn mu nhunmu. Moses tsenaa famu dɛ orubu ɔman no atsɛn, Ex. 18:13. Tsenenee mu na bu wo nyɛnko atsɛn, Lev. 19:15. Mma hom mbu atsɛn, ma wommbu hom atsɛn, Matt. 7:1 (JSN, Matt. 7:1–2; Luke 6:37; 3 Ne. 14:1). Na dodow a woekwetsi mbra no ayɛ bɔn no, wɔnam mbra no do bobu hɔn fɔ, Rom. 2:12. Ahotseweefo no bobu wiadze atsɛn, 1 Cor. 6:2–3. Nyame a ɔwɔ hɔ daapem ne Ba no, wiadze buu no atsɛn, 1 Ne. 11:32. Eguambaa n’Asomafo Duebien no na wobobu Israel ebusuakuw duebien no atsɛn, 1 Ne. 12:9 (N&A 29:12). Owu, hɛl, abɔnsam no, nye dza wɔafa no ndɔmmum nyina no wɔ dɛ wobu hɔn atsɛn, 2 Ne. 28:23 (1 Ne. 15:33). Sɛ hom bu nyimpa a ɔdze n’ebisadze to hom enyim dze serɛ ahodze a, ebɛn mfaso na ɔyɛ ma hom dɛ hom bobu no atsɛn na hom dze hom ahodze esie, Mosiah 4:22. Wobobu nyimpa nyinara atsɛn dɛ mbrɛ hɔn ndwuma tse, Alma 41:3. Bu atsɛntsenenee, na wɔdze pɛrpɛrdzi bɛsan ama wo bio, Alma 41:14. Ndzɛmba a wɔbɛkyerɛw wɔ nwoma no mu no na wɔdze bobu wiadze atsɛn, 3 Ne. 27:23–26 (Nyi. 20:12). Nkorɔfo yi hɔn asefo no na duebien no a Jesus yii hɔn wɔ asaase yi do no na wobobu hɔn atsɛn, Morm. 3:18–20. Mormon kyerɛɛ kwan a wɔfa do hu papa na bɔn, Moro. 7:14–18. Fa wo werɛ twer Sunsum no a ɔma ibu atsɛntsenenee no mu, N&A 11:12. Ɔwɔ dɛ hom kã wɔ hom akoma mu dɛ—ma Nyame mbu emi na ɔwo ntamu atsɛn, N&A 64:11. Ewuradze N’Asɔr bobu aman atsɛn, N&A 64:37–38. Ɔba no kɛseraa esunsum a wogu efiadze no ama woeebu hɔn atsɛn tse dɛ nyimpa a wɔwɔ honam mu, N&A 76:73 (1 Pet. 4:6). Bishop bɛyɛ ɔdodow tsɛmbuafo, N&A 107:72–74. Ewuradze bobu nyimpa nyinara atsɛn dɛ mbrɛ hɔn akoma n’apɛdze tse, N&A 137:9.