Te reitaki i marenaia mwaane ma aine n te wenenibure ae aki rinanon te tua. E ngae ngke te wenenibure e kaineti nakon te wenenibure i marenan te aomata ae tia ni mare ao temanna riki ae tiaki buun teuanne ke neienne, ni koroboki aika tabu e kona naba ni kaineti nakoia ake a tuai mareaki. Ni koroboki aika tabu e kamanenaki naba n taai tabetai bwa te banna ibukin kitanan te koaua.
N tabetai te wenenibure e kabonganaki bwa te kanikina ibukin kitanan te koaua n te aba ke te botanaoamata ae bwanin man ana kawai te Uea (WI 25:1–3; Iere. 3:6–10; Etek. 16:15–59; Otea 4).