Iangoia Raoi Tara naba Kaotioti; Tataro Ni iangoia raoi ao ni karaua ni iangoia, n angin te tai i aon koroboki aika tabu ke bwaai riki tabeua iroun te Atua. Ngkana a ikotaki ma te tataro, iangoan raoi bwaai mai rouna a kona ni karekei kaotioti ao te mataata. Maria e iangoi i nanona baikai, Ruka 2:19. Ngke I tekateka man uring baikai i nanou ao e a uotai nako, 1Nib. 11:1. E iangoi nanou ma te karaurau koroboki aika tabu, 2Nib. 4:15. Nibwaai e touanako kawaina, ni iangoi bwaai ake e a tia ni kaoti te Uea nakoina, Erem. 10:2–3. Naako okiri batami, man iangoi taeka ake I a tia n taekin, 3Nib. 17:3. Uringnga bwa e a tia n nanoanga te Uea, ao ma ni iangoi i nanom, Moro. 10:3. Iangoi bwaai ake ko a tia ni karekei, R&B 30:3. Ngke ti iangoi raoi bwaai aikai, e ringa matan ootara te Uea, R&B 76:19. I tekateka n au ru ni iangoi koroboki aika tabu, R&B 138:1–11. I karaua ni iangoia ni kaokiokia, IT—R 1:12.