Te Aro n Aomata

Te aomata are e rineia bwa e na kairaki n angin ana namakin, are tangiria nanona, are bwaruia, ao ana namakin te rabwata ao tiaki n ana kairiri te Tamnei ae Tabu. Te aomata ae aron aei e kona n atai bwain te rabwata ma tiaki bwain te tamnei. Ni kabane aomata a maiu n rabwata, ke a mamate, ibukin Bwakan Atam ao Ewa. Aomata n tatabemania a riai ni manga bungiaki rinanon Ana Mwakuri ni Kamaiu Iesu Kristo bwa a na katoka te aro n aomata.