Otenanti

Waaki ao botaki n taromauri aika tabu. Kanoan otenanti bon mwakuri aika iai nanoia n te maiu n tamnei. Otenanti a kona naba n nanonaki iai ana tua ao ana kaetieti te Atua.

A kairaki n otenanti n te Ekaretia kakabwaiaan te aoraki (Iak. 5:14–15), kakabwaiaan te toa (R&B 20:77, 79), bwabetito ni kateboaki i an te ran (Mat. 3:16; R&B 20:72–74), kakabwaiakiia ataei (R&B 20:70), anganakiia te Tamnei ae Raoiroi (R&B 20:68; 33:15), anganakiia te nakoanibonga (R&B 84:6–16; 107:41–52), otenanti n te tembora (R&B 124:39), ao te mare n te berita ae tabu ae boou ae akea tokina (R&B 132:19–20).

Te Otenanti are e karaoia temanna ibukiia ake a tia ni mate

Te otenanti n te aro are e karaoia te aomata ae maiu ibukin temanna ae tia ni mate. Otenanti aikai a ti mwakuri ngkana naake a karaoaki otenanti ibukiia a butimaei, kawakin berita aika tabu ake a irekereke ma ngaai, ao riki ni kabaeaki iroun te Tamnei ae Tabu n te Berita. Aekan otenanti aikai a karaoaki i nanon tembora ngkai.