Atakin ae Kairua ao ae Eti i Nanom, Mataniwin te Nano, Iango

Namakinan inanom ae eti ao ae kairua, ae roko man Ootan Kristo i nanoia aomata ni kabane (Moro. 7:16). Ti bungiaki ma arora ni konabwai n ataa te kaokoro i marenan ae eti ao ae kairua ibukin Ootan Kristo are a bane n anganaki aomata (R&B 84:46). E aranaki te konabwai aei bwa mataniwin te nano. Rekena iroura e karikira bwa aomata aika kona ni mwiokoaki. N aron ara konabwai ake tabeua, mataniwin nanora e kona ni mate rinanon te bure ke kabonganaana n ae aki riai.