Te Bure ae aki kona ni Kabwaraki Tara naba Natin Betetion; Taetaebuaka Te Atua; Tamnei ae Raoiroi; Tiritiri Te bure ae kaakean te Tamnei are e Raoiroi, te bure ae aki kona ni kabwaraki. E na aki kabwaraki te taetaebuaka nakon te Tamnei ae Raoiroi iroun te aomata, Mat. 12:31–32 (Mar. 3:29; Ruka 12:10). Naake a tia ni katoonga te Tamnei ae Raoiroi a bon aki konaki ni manga kaokaki nakon rairan te nano, Ebera 6:4–6. Ngkana ti bure ni kan bure i mwin reken atakin te koaua iroura, ao bon akea riki te karea teuana ibukin buure, Ebera 10:26. Ngkana ko kaakea te Tamnei ae Raoiroi ao ko bon ataia bwa ko kaakea, aio bon te bure ae e aki kona ni kabwaraki, Aram. 39:5–6 (Iakob. 7:19). Akea kabwaraan aia bure, ibukin ae a kaakea te Nati ae te Rikitemanna, ibukin ae a tia n tauria i bon irouia, R&B 76:30–35. Taetaebuakakin te Tamnei ae Raoiroi e aki kona ni kabwaraki, are bon kawawaean raraan ae akea ana bure i mwin ae kam a tia ni butimwaea au berita ae tabu ae boou ae akea tokina, R&B 132:26–27.