Faamanuiaga Faapeteriaka

O se faamanuiaga faapeteriaka e aofia ai se folafolaga o le tupuaga, e fai mai o le tagata e mai i le aiga o Isaraelu—o se tupuga mai ia Aperaamo, e auai i se ituaiga faapitoa o Iakopo. O le toatele o le Au Paia o Aso e Gata Ai o le ituaiga o Efaraima, o le ituaiga ua tuuina atu i ai le tiutetauave autu e taitaia le galuega a le Alii i aso e gata ai.

Ona o i tatou taitoatasi e tele ni laina o toto o loo fegasoloai i totonu o i tatou, e toalua sui o le aiga e tasi e mafai ona folafolaina i ai ni ituaiga ese o Isaraelu.

E le afaina pe o le tupuaga o se tagata i le aiga o Isaraelu e ala atu i laina o toto pe ala i le vaetama. O tagata o le Ekalesia e faitaulia o se tupuaga o Aperaamo ma o se suli i folafolaga ma faamanuiaga uma e i ai i le feagaiga Faa-Aperaamo (tagai i le Feagaiga Faa-Aperaamo).

O i latou o e maua se faamanuiaga faapeteriaka e tatau ona faitau soo i ai, ma le lotomaulalo, ma le agaga tatalo. O loo i ai faaaliga ma faatonuga patino mai le Tama Faalelagi, o le e silafia o tatou malosiaga, vaivaiga, ma gafatia e faavavau. O faamanuiaga faapeteriaka e mafai ona aofia ai folafolaga, apoapoaiga, ma lapataiga.

O i latou o e mulimuli i fautuaga o loo i o latou faamanuiaga faapeteriaka o le a le ono se ese pe taitaiseseina. E na o le mulimuli i fautuaga o loo i se faamanuiaga faapeteriaka e mafai ai e se tagata ona maua faamanuiaga o loo i ai i totonu.

E ui ina i ai i se faamanuiaga faapeteriaka ni fautuaga ma ni folafolaga musuia, e le tatau ona faamoemoeina e tali ai fesili uma a se tagata e mauaina pe auiliili atu ai mea uma o le a tutupu i lona olaga. Afai e le ta’ua i le faamanuiaga se mea taua e tupu, e pei o se misiona faafaifeautalai po o se faaipoipoga, e le tatau i le tagata ona faapea o le a ia le maua lena avanoa.

E faapena foi, o le tagata e maua le faamanuiaga e le tatau ona manatu o mea uma na ta’ua i le faamanuiaga o le a faataunuuina i le olaga lenei. O se faamanuiaga faapeteriaka e faavavau, ma o ona folafolaga e mafai ona oo atu i le faavavau. Afai e agavaa se tagata, o le a faataunuuina folafolaga uma i le taimi a le Alii. O na folafolaga ma faamanuiaga e le ausia i lenei olaga o le a faataunuuina i le olaga a sau.

O faamanuiaga faapeteriaka e paia ma patino. E mafai ona faasoaina atu i ni tagata o le aiga patino, ae e le tatau ona faitauina leotele i tagata lautele pe faitau pe faaliliuina e isi. E le tatau foi i le peteriaka po o le epikopo po o le peresitene o le paranesi ona faaliliuina.

O i latou ua mauaina se faamanuiaga faapeteriaka e tatau ona faatauaina ona upu, mafaufau loloto i ai, ma ola ia agavaa e maua ia faamanuiaga folafolaina i le olaga nei ma le olaga a sau.

Ina ia iloa le ala e maua ai se faamanuiaga faapeteriaka, e tatau i tagata o le Ekalesia ona talanoa ma o latou epikopo po o le peresitene o le paranesi.

• Feagaiga Faa-Aperaamo

• Peteriaka

• Kenese 27:30

• Kenese 48:14–15

• Kenese 49:28

• Mataupu Faavae ma Feagaiga 124:91–92

• Mataupu Faavae ma Feagaiga 124:124

• Aperaamo 2:11

• Taiala i Tusitusiga Paia, “Evagelia,” “Isaraelu,” “Faamanuiaga Faapeteriaka,” “Peteriaka, Faapeteriaka”

Talosaga se kopi o lou faamanuiaga faapeteriaka po o se faamanuiaga faapeteriaka o se tuaa ua maliu, ChurchofJesusChrist.org

“O ai ou te talanoa i ai mo le mauaina o se faamanuiaga faapeteriaka?” Liahona, Iulai 2010

“O Lou Faamanuiaga Faapeteriaka,” Ensign po o le Liahona, Fepuari 2010

Robert K. Wagstaff, “O Afea e Tatau ona Ou Maua ai Lou Faamanuiaga faapeteriaka?” Liahona, Aokuso 2009

“E Faatatau i Faamanuiaga Faapeteriaka,” Liahona, Mati 2004

Daniel H. Ludlow, “O le Aiga o Isaraelu,” Ensign po o le Liahona, Ianuari 1991

“Teaching Children about Patriarchal Blessings,” Ensign, Oketopa 1987

David A. Edwards, “What a Patriarchal Blessing Can Do for You,” New Era, Me 2013

“Faamanuiaga Faapeteriaka,” O Fesoasoani mo le Lesona mo le Aoaoina o Tamaiti

“What is a Patriarchal Blessing,” The Latter-day Saints Channel Q&A, episode 62