ພາກທີ 97
ການເປີດເຜີຍທີ່ມອບໃຫ້ຜ່ານໂຈເຊັບ ສະມິດ ຜູ້ເປັນສາດສະດາ, ທີ່ເມືອງເຄີດແລນ, ລັດໂອໄຮໂອ, ວັນທີ 2 ເດືອນສິງຫາ, 1833. ການເປີດເຜີຍເທື່ອນີ້ແມ່ນກ່ຽວຂ້ອງໂດຍສະເພາະກັບທຸລະກິດຂອງໄພ່ພົນຂອງພຣະເຈົ້າໃນຊີໂອນ, ເຂດແຈ໊ກສັນ, ລັດມີເຊີຣີ, ເປັນການຕອບທີ່ສາດສະດາໄດ້ທູນຖາມພຣະຜູ້ເປັນເຈົ້າກ່ຽວກັບຂໍ້ມູນ. ສະມາຊິກຂອງສາດສະໜາຈັກຢູ່ໃນລັດມີເຊີຣີໃນເວລານັ້ນ ຖືກຂົ່ມເຫັງຢ່າງໜັກ ແລະ, ໃນວັນທີ 23 ເດືອນກໍລະກົດ, 1833, ໄດ້ຖືກບັງຄັບໃຫ້ເຊັນສັນຍາເພື່ອໜີຈາກເຂດແຈ໊ກສັນ.
1–2, ໄພ່ພົນຂອງພຣະເຈົ້າຫລາຍຄົນໃນຊີໂອນ (ເຂດແຈ໊ກສັນ, ລັດມີເຊີຣີ) ໄດ້ຮັບພອນສຳລັບຄວາມຊື່ສັດຂອງພວກເຂົາ; 3–5, ພາລີ ພີ ພະແຣັດ ໄດ້ຮັບຄຳຊົມເຊີຍສຳລັບວຽກງານຂອງລາວທີ່ໂຮງຮຽນໃນຊີໂອນ; 6–9, ຄົນທີ່ຍຶດຖືພັນທະສັນຍາຂອງພວກເຂົາໄດ້ຖືກຍອມຮັບໂດຍພຣະຜູ້ເປັນເຈົ້າ; 10–17, ຕ້ອງສ້າງບ້ານຫລັງໜຶ່ງຂຶ້ນໃນຊີໂອນ ຊຶ່ງໃນນັ້ນຜູ້ທີ່ມີໃຈບໍລິສຸດຈະໄດ້ເຫັນພຣະເຈົ້າ; 18–21, ຊີໂອນຄືຜູ້ທີ່ມີໃຈບໍລິສຸດ; 22–28, ຊີໂອນຈະໜີພົ້ນຈາກການຂ້ຽນຕີຂອງພຣະຜູ້ເປັນເຈົ້າ ຖ້າຫາກນາງຊື່ສັດ.
1 ຕາມຄວາມຈິງແລ້ວ ເຮົາກ່າວກັບພວກເຈົ້າ ເພື່ອນຂອງເຮົາ, ເຮົາກ່າວກັບພວກເຈົ້າດ້ວຍສຽງຂອງເຮົາ, ແມ່ນແຕ່ສຽງຂອງພຣະວິນຍານຂອງເຮົາ, ເພື່ອວ່າເຮົາຈະໄດ້ສະແດງໃຫ້ພວກເຈົ້າເຫັນຄວາມປະສົງຂອງເຮົາກ່ຽວກັບພີ່ນ້ອງຂອງພວກເຈົ້າໃນແຜ່ນດິນ ກຊີໂອນ, ຊຶ່ງຫລາຍຄົນຖ່ອມຕົວແທ້ໆ ແລະ ສະແຫວງຫາຢ່າງພາກພຽນທີ່ຈະຮຽນຮູ້ປັນຍາ ແລະ ຊອກຫາຄວາມຈິງ.
2 ຕາມຄວາມຈິງ, ຕາມຄວາມຈິງແລ້ວ ເຮົາກ່າວກັບພວກເຈົ້າວ່າ ຄົນເຊັ່ນນັ້ນໄດ້ຮັບພອນແລ້ວ, ເພາະເຮົາ, ພຣະຜູ້ເປັນເຈົ້າ, ສະແດງຄວາມເມດຕາຕໍ່ຄົນທີ່ ກອ່ອນໂຍນ, ແລະ ຕໍ່ຄົນທັງປວງຜູ້ໃດກໍຕາມທີ່ເຮົາປະສົງ, ເພື່ອວ່າເຮົາຈະຖືກຕ້ອງເມື່ອເຮົານຳພວກເຂົາມາສູ່ການພິພາກສາ.
3 ຈົ່ງເບິ່ງ, ເຮົາກ່າວກັບພວກເຈົ້າ, ກ່ຽວກັບ ກໂຮງຮຽນໃນຊີໂອນ, ເຮົາ, ພຣະຜູ້ເປັນເຈົ້າ, ພໍໃຈຫລາຍທີ່ຈະມີໂຮງຮຽນໃນຊີໂອນ, ແລະ ກັບຜູ້ຮັບໃຊ້ຂອງເຮົາ ຂພາລີ ພີ ພະແຣັດ ນຳອີກ, ເພາະລາວຄົງຢູ່ໃນເຮົາ.
4 ແລະ ຕາບໃດທີ່ລາວຍັງສືບຕໍ່ແນບສະໜິດຢູ່ໃນເຮົາ ລາວຈະສືບຕໍ່ເປັນຜູ້ຄວບຄຸມໂຮງຮຽນໃນແຜ່ນດິນຊີໂອນ ຈົນກວ່າເຮົາຈະມອບບັນຍັດອື່ນໆໃຫ້ແກ່ລາວ.
5 ແລະ ເຮົາຈະອວຍພອນລາວດ້ວຍພອນຢ່າງຫລວງຫລາຍ, ໃນການອະທິບາຍພຣະຄຳພີ ແລະ ຄວາມລຶກລັບທັງໝົດເພື່ອການອົບຮົມຂອງໂຮງຮຽນ, ແລະ ຂອງສາດສະໜາຈັກໃນຊີໂອນ.
6 ແລະ ກັບຜູ້ທີ່ເຫລືອຢູ່ຂອງໂຮງຮຽນ, ເຮົາ, ພຣະຜູ້ເປັນເຈົ້າ, ເຕັມໃຈທີ່ຈະສະແດງຄວາມເມດຕາ; ເຖິງຢ່າງໃດກໍຕາມ, ມີບາງຄົນທີ່ຕ້ອງຖືກ ກຕີສອນ, ແລະ ວຽກງານຂອງພວກເຂົາຈະຖືກເຮັດໃຫ້ເປັນທີ່ຮູ້ຈັກ.
7 ກຂວານຖືກວາງໄວ້ແລ້ວຢູ່ທີ່ຮາກຂອງຕົ້ນໄມ້; ແລະ ຕົ້ນໄມ້ທຸກຕົ້ນທີ່ບໍ່ອອກ ຂຜົນດີຈະຖືກໂຄ່ນລົງ ແລະ ໂຍນເຂົ້າກອງໄຟ. ເຮົາພຣະຜູ້ເປັນເຈົ້າ ກ່າວມັນໄວ້ດັ່ງນີ້.
8 ຕາມຄວາມຈິງແລ້ວ ເຮົາກ່າວກັບພວກເຈົ້າວ່າ ທຸກຄົນໃນບັນດາພວກເຂົາທີ່ຮູ້ວ່າ ກຫົວໃຈຂອງພວກເຂົາ ຂຊື່ສັດ, ແລະ ຊອກຊ້ຳ, ແລະ ວິນຍານຂອງພວກເຂົາສຳນຶກຜິດ, ແລະ ຄເຕັມໃຈທີ່ຈະຍຶດຖືພັນທະສັນຍາຂອງພວກເຂົາໂດຍ ງການເສຍສະລະ—ແທ້ຈິງແລ້ວ, ການເສຍສະລະທຸກຢ່າງຊຶ່ງເຮົາ, ພຣະຜູ້ເປັນເຈົ້າ, ຈະບັນຊາ—ພວກເຂົາໄດ້ຮັບ ຈການຍອມຮັບຈາກເຮົາ.
9 ເພາະເຮົາ, ພຣະຜູ້ເປັນເຈົ້າ, ຈະເຮັດໃຫ້ພວກເຂົານຳຜົນອອກມາດັ່ງຕົ້ນໄມ້ທີ່ອອກຜົນຫລາຍ ຊຶ່ງຖືກປູກໄວ້ຢູ່ໃນດິນດີ, ແຄມຮ່ອງນ້ຳບໍລິສຸດ, ຊຶ່ງອອກຜົນອັນມີຄ່າຢ່າງຫລວງຫລາຍ.
10 ຕາມຄວາມຈິງແລ້ວ ເຮົາກ່າວກັບພວກເຈົ້າວ່າ ມັນເປັນຄວາມປະສົງຂອງເຮົາທີ່ຈະມີການສ້າງ ກບ້ານຫລັງໜຶ່ງໃຫ້ແກ່ເຮົາໃນແຜ່ນດິນຊີໂອນ, ຕາມ ຂແບບແຜນທີ່ເຮົາໄດ້ມອບໃຫ້ແກ່ພວກເຈົ້າ.
11 ແທ້ຈິງແລ້ວ, ໃຫ້ສ້າງມັນຢ່າງໄວ, ໂດຍການຈ່າຍສ່ວນສິບຂອງຜູ້ຄົນຂອງເຮົາ.
12 ຈົ່ງເບິ່ງ, ນີ້ຄື ກສ່ວນສິບ ແລະ ການເສຍສະລະຊຶ່ງເຮົາ, ພຣະຜູ້ເປັນເຈົ້າ, ຮຽກຮ້ອງຈາກມືຂອງພວກເຂົາ, ເພື່ອວ່າ ຂບ້ານຫລັງໜຶ່ງຈະຖືກສ້າງໄວ້ໃຫ້ເຮົາສຳລັບຄວາມລອດຂອງຊີໂອນ—
13 ເພື່ອເປັນບ່ອນ ກຂອບພຣະໄທສຳລັບໄພ່ພົນທັງຫລາຍຂອງພຣະເຈົ້າ, ແລະ ເພື່ອເປັນບ່ອນໃຫ້ການແນະນຳສຳລັບທຸກຄົນເຫລົ່ານັ້ນ ຜູ້ທີ່ຖືກເອີ້ນໃຫ້ເຮັດວຽກງານແຫ່ງການປະຕິບັດສາດສະໜາກິດໃນການເອີ້ນ ແລະ ໜ້າທີ່ຫລາຍຢ່າງຂອງພວກເຂົາ;
14 ເພື່ອວ່າພວກເຂົາຈະຖືກເຮັດໃຫ້ດີພ້ອມໃນ ກຄວາມເຂົ້າໃຈ ເລື່ອງການປະຕິບັດສາດສະໜາກິດຂອງພວກເຂົາ, ໃນທິດສະດີ, ໃນຫລັກທຳ, ແລະ ໃນຄຳສອນ, ໃນທຸກສິ່ງທັງປວງກ່ຽວກັບ ຂອານາຈັກຂອງພຣະເຈົ້າ ເທິງແຜ່ນດິນໂລກ, ຄຂໍກະແຈອານາຈັກຊຶ່ງໄດ້ມອບໃຫ້ແກ່ພວກເຈົ້າ.
15 ແລະ ຕາບໃດທີ່ຜູ້ຄົນຂອງເຮົາໄດ້ສ້າງບ້ານຫລັງໜຶ່ງ ໃຫ້ແກ່ເຮົາໃນພຣະນາມຂອງພຣະຜູ້ເປັນເຈົ້າ, ແລະ ບໍ່ຍອມໃຫ້ ກສິ່ງໜຶ່ງສິ່ງໃດທີ່ບໍ່ສະອາດເຂົ້າໄປໃນນັ້ນ, ເພື່ອເຮັດໃຫ້ມັນໝົ່ນໝອງ, ແລ້ວ ຂລັດສະໝີພາບຂອງເຮົາຈະຢູ່ເທິງບ້ານຫລັງນັ້ນ;
16 ແທ້ຈິງແລ້ວ, ແລະ ເຮົາຈະ ກສະຖິດຢູ່ໃນນັ້ນ, ເພາະເຮົາຈະມາຫາມັນ, ແລະ ຜູ້ທີ່ມີໃຈ ຂບໍລິສຸດທີ່ມາຫາມັນ ຈະເຫັນພຣະເຈົ້າ.
17 ແຕ່ຖ້າຫາກບ້ານຫລັງນີ້ໝົ່ນໝອງ ເຮົາຈະບໍ່ເຂົ້າໄປໃນນັ້ນ, ແລະ ລັດສະໝີພາບຂອງເຮົາຈະບໍ່ຢູ່ໃນນັ້ນ; ເພາະເຮົາຈະບໍ່ເຂົ້າໄປໃນພຣະວິຫານທີ່ບໍ່ບໍລິສຸດ.
18 ແລະ, ບັດນີ້, ຈົ່ງເບິ່ງ, ຖ້າຫາກຊີໂອນເຮັດສິ່ງເຫລົ່ານີ້ ແລ້ວນາງຈະ ກຈະເລີນກ້າວໜ້າ, ແລະ ຕົວນາງເອງຈະແຜ່ຂະຫຍາຍອອກໄປ ແລະ ຮຸ່ງເຫລື້ອມ, ຍິ່ງໃຫຍ່, ແລະ ເປັນໜ້າຢ້ານກວາຫລາຍ.
19 ແລະ ກປະຊາຊາດທັງປວງຂອງແຜ່ນດິນໂລກຈະຍົກຍ້ອງນາງ, ແລະ ຈະກ່າວວ່າ: ຂຊີໂອນເປັນເມືອງຂອງພຣະເຈົ້າຂອງເຮົາແທ້ໆ, ແລະ ແນ່ນອນວ່າຊີໂອນຈະບໍ່ຖືກໂຄ່ນລົ້ມ, ທັງຈະບໍ່ຖືກຍ້າຍອອກຈາກບ່ອນຂອງນາງ, ເພາະພຣະເຈົ້າສະຖິດຢູ່ທີ່ນັ້ນ, ແລະ ພຣະຫັດພຣະຜູ້ເປັນເຈົ້າຢູ່ທີ່ນັ້ນ;
20 ແລະ ພຣະອົງໄດ້ສາບານໂດຍອຳນາດແຫ່ງລິດເດດຂອງພຣະອົງ ທີ່ຈະເປັນຄວາມລອດຂອງນາງ ແລະ ເປັນ ກຫໍຍາມຂອງນາງ.
21 ສະນັ້ນ, ຕາມຄວາມຈິງແລ້ວ ພຣະຜູ້ເປັນເຈົ້າໄດ້ກ່າວດັ່ງນີ້, ໃຫ້ຊີໂອນປິຕິຍິນດີເຖີດ, ເພາະນີ້ຄື ກຊີໂອນ—ຜູ້ທີ່ມີໃຈບໍລິສຸດ; ສະນັ້ນ, ໃຫ້ຊີໂອນປິຕິຍິນດີເຖີດ, ໃນຂະນະທີ່ຄົນຊົ່ວທັງປວງໂສກເສົ້າ.
22 ເພາະຈົ່ງເບິ່ງ, ແລະ ເບິ່ງແມ, ກການແກ້ແຄ້ນມາຢ່າງໄວເທິງຄົນອະທຳຄືດັ່ງລົມບ້າໝູ; ແລະ ໃຜຈະໜີພົ້ນຈາກມັນ?
23 ກການຂ້ຽນຕີຂອງພຣະຜູ້ເປັນເຈົ້າຈະຜ່ານໄປໃນເວລາກາງຄືນ ແລະ ໃນເວລາກາງເວັນ, ແລະ ການລາຍງານຂອງມັນຈະລົບກວນຜູ້ຄົນທັງປວງ; ແທ້ຈິງແລ້ວ, ມັນຈະບໍ່ຖືກຢຸດຢັ້ງໄວ້ຈົນກວ່າພຣະຜູ້ເປັນເຈົ້າສະເດັດມາ;
24 ເພາະຄວາມເຄືອງແຄ້ນຂອງພຣະຜູ້ເປັນເຈົ້າເກີດຂຶ້ນກັບຄວາມໜ້າກຽດຊັງຂອງພວກເຂົາ ແລະ ວຽກງານຊົ່ວຮ້າຍທັງໝົດຂອງພວກເຂົາ.
25 ເຖິງຢ່າງໃດກໍຕາມ, ຊີໂອນຈະ ກຫລົບໜີ ຖ້າຫາກນາງຍຶດຖືທີ່ຈະປະຕິບັດຕາມທຸກສິ່ງທັງປວງອັນໃດກໍຕາມທີ່ເຮົາໄດ້ບັນຊານາງ.
26 ແຕ່ຖ້າຫາກນາງບໍ່ຍຶດຖືທີ່ຈະປະຕິບັດຕາມສິ່ງໃດກໍຕາມທີ່ເຮົາໄດ້ບັນຊານາງ, ແລ້ວເຮົາຈະມາ ກຢ້ຽມຢາມນາງ ອີງຕາມວຽກງານທັງໝົດຂອງນາງ, ດ້ວຍຄວາມທຸກທໍລະມານອັນແສນສາຫັດ, ດ້ວຍ ຂພະຍາດໂລຄາຕ່າງໆ, ດ້ວຍໂຣກລະບາດ, ດ້ວຍດາບ, ດ້ວຍ ຄການແກ້ແຄ້ນ, ງດ້ວຍໄຟທີ່ເຜົາຜານ.
27 ເຖິງຢ່າງໃດກໍຕາມ, ໃຫ້ອ່ານມັນເຂົ້າຫູນາງເທື່ອນີ້ເທື່ອດຽວ, ວ່າເຮົາ, ພຣະຜູ້ເປັນເຈົ້າ, ໄດ້ຮັບເອົາເຄື່ອງຖວາຍຂອງນາງແລ້ວ; ແລະ ຖ້າຫາກນາງບໍ່ເຮັດບາບອີກຕໍ່ໄປ ແລ້ວ ກສິ່ງເຫລົ່ານີ້ຈະບໍ່ເກີດກັບນາງເລີຍ;
28 ແລະ ເຮົາຈະ ກອວຍພອນນາງດ້ວຍພອນຕ່າງໆ, ແລະ ທະວີຄູນດ້ວຍພອນຢ່າງຫລວງຫລາຍໃຫ້ແກ່ນາງ, ແລະ ໃຫ້ແກ່ຄົນລຸ້ນຫລັງຂອງນາງຕະຫລອດການ ແລະ ຕະຫລອດໄປ, ພຣະຜູ້ເປັນເຈົ້າອົງເປັນພຣະເຈົ້າຂອງພວກເຈົ້າໄດ້ກ່າວ. ອາແມນ.