ຫົວໃຈທີ່ຊອກຊ້ຳ ເບິ່ງ ກັບໃຈ, ການກັບໃຈ; ໃຈ; ເສຍສະລະ, ການເສຍສະລະ; ຖ່ອມຕົນ, ຄວາມຖ່ອມຕົນ; ອ່ອນໂຍນ, ຄວາມອ່ອນໂຍນ ນຳອີກ ການມີໃຈທີ່ຊອກຊ້ຳເປັນການຖ່ອມຕົວ, ສຳນຶກຜິດ, ເປັນຄົນທີ່ກັບໃຈ, ແລະ ອ່ອນໂຍນ—ນັ້ນຄື, ຍອມຕໍ່ພຣະປະສົງຂອງພຣະເຈົ້າ. ເຮົາຢູ່ນຳເຂົາຜູ້ທີ່ຖ່ອມໃຈ ແລະ ກັບໃຈໃໝ່, ອຊຢ 57:15. ພຣະຄຣິດໄດ້ຖວາຍພຣະອົງເອງ ເພື່ອຜູ້ມີໃຈທີ່ຊອກຊ້ຳ ແລະ ມີວິນຍານທີ່ສຳນຶກຜິດ, 2 ນຟ 2:7. ໃຫ້ຖວາຍໃຈທີ່ຊອກຊ້ຳ ແລະ ວິນຍານທີ່ສຳນຶກຜິດແດ່ພຣະຜູ້ເປັນເຈົ້າ, 3 ນຟ 9:20 (ຄພ 59:8). ພຽງແຕ່ຜູ້ມີໃຈທີ່ຊອກຊ້ຳ ແລະ ວິນຍານທີ່ສຳນຶກຜິດເທົ່ານັ້ນທີ່ໄດ້ຖືກຮັບເຂົ້າສູ່ບັບຕິສະມາ, ມຣນ 6:2. ພຣະເຢຊູໄດ້ຖືກຄຶງເພື່ອການປົດບາບໃຫ້ໃຈທີ່ສຳນຶກຜິດ, ຄພ 21:9. ພຣະອົງຈະຮັບເອົາຜູ້ມີວິນຍານທີ່ສຳນຶກຜິດ, ຄພ 52:15. ພຣະວິນຍານສັກສິດຖືກສັນຍາໃຫ້ແກ່ຜູ້ທີ່ສຳນຶກຜິດ, ຄພ 55:3. ວິນຍານຂອງເຮົາໄດ້ຖືກສົ່ງອອກໄປເພື່ອໃຫ້ຄວາມສະຫວ່າງແກ່ຄົນຖ່ອມຕົວ ແລະ ສຳນຶກຜິດ, ຄພ 136:33.