Nos Ta Konfi’É? Duru Ta Bon

Presidente Thomas S. Monson hopi biaha ta kòrda nos pa “Konfia den Señor ku henter bo kurason i no lèn riba bo propio prudensia.

“Rekonos’É den tur bo kaminda i E lo dirigí bo kaminda.

“No sea sabí den bo propio opinion Stòp ku terkedat” (Proverbionan 3:5–7).

Nos ta konfia Su mandamentunan pa ta pa nos bon? Su lidernan, aunke imperfekto, ta guiá nos bon? Su promesanan pa ta sigur? Nos ta konfia ku Tata Selestial i JesuCristo ta konosé nos i ker yuda nos? Asta meimei di pruebanan, retonan, desafionan, i tempunan duru, nos ta kedakonfia den djE?

Mirando atras, mi a siña algun di e mas mihó lèsnan durante e tempunan mas duru—sea manera un hóben, riba mishon, kuminsando un karera nobo, luchando pa magnifiká mi yamamentu, lanta un famia largu, òf luchando pa ta outosufisiente. E ta parse kla ku duru ta bon!

Duru ta hasi nos mas fuerte, ta humiliá nos, i ta duna nos un chèns pa proba nos mes. Nos estimado pioneronan ku garoshi di manda bini di konosé Dios den nan ekstremidatnan. Dikon e la tuma dos kapítulo pa Nefi i su rumannan hòmber pa optené e plachinan di bròns i solamente tres versíkulo pa reklutá Ismael su famia pa djòin nan den e desierto? (wak 1 Nefi 3–4; 7:3–5). Ta parse Señor tabata kier pa fortalesé Nefi durante e lucha di optené e planchanan.

E kosnan duru den nos bidanan no mester bini manera sorpresa. Un di e kombenionan mas promé ku nos ta hasi ku Señor ta pa biba e lei di sakrifisio. Sakrifisio pa definishon ta envolví laga bai di algu deseabel. Ku eksperensia nos ta realisá e ta un preis chikí pa paga den relashon na e bendishonnan ku lo sigui. Bou di direkshon di Jose Smith a wòrdu bisa, “Un religion ku no ta rekirí e sakrifisio di tur kos nunka tin sufisiente poder pa produsí e fe nesesario pa bida i salbashon.”¹

Miembronan di e Deidat no ta strañero di kosnan duru. Dios e Tata a sakrifiká Su Yu Hòmber Unígenito pa e sufrimentu teribel di e Ekspiashon, inkluí morto pa krusifikashon. E skrituranan ta bisa JesuCristo a siña “pa medio di tur loke El a sufri, kiko ta obediensia” (Hebreonan 5:8). Boluntariamente El a sufri e agonia di e Ekspiashon. E Spiritu Santu mester tin pasenshi pa susurá, avisá, i guiá nos, solamente pa wòrdu ignorá, mal interpretá, òf lubidá.

Duru ta parti di e plan di evangelio. Un di e propósitonan di e bida aki ta pa wòrdu probá (wak Abraham 3:25). Tiki a sufri mas indignamente ku e hende di Alma. Nan a huí for di malbado Rei Noa solamente pa bira esklabo na e Lamanitanan! Durante e pruebanan ei, Señor a siña nan ku E ta kastigá Su pueblo i proba “nan pasenshi i nan fe” (Mosíah 23:21).

Durante e teribel dianan den Liberty Jail, Señor a siña Jose Smith pa “perseverá bon” (D&C 121:8) i a primintí ku si e lo hasié, “tur e kosnan aki lo duná bo eksperensia, i lo ta pa bo bon.” (D&C 122:7).

Presidente Thomas  S; Monson a roga, “Laga nos semper skohe e korekto mas duru en bes di e robes mas fásil.”² Tokante nos tèmpelnan, e la deklará ku “niun sakrifisio ta muchu grandi, niun presio muchu pisá, niun lucha muchu difísil pa risibí e bendishonnan di [tèmpel].”³

Den e mundu di naturalesa, duru ta parti di e sirkulo di bida. E ta duru pa un baby puitu sali fo’i kaska duru di webu ei. Pero ora un persona ta trata di hasié mas fásil, e puitu no ta desaroyá e forsa nesesario pa biba. Den un manera similar, e lucha di un barbulèt pa skapa di e pòp ta fortalesé pa e bida ku e lo biba.

Dor di e ehèmpelnan aki, nos ta wak ku duru ta e konstante! Nos tur tin retonan. E variabel ta nos reakshon na e duru.

Na un punto algun di e hende den e Buki di Mormon a sufri “gran persekushonnan” i “hopi aflikshon” (Helaman 3:34). Kon nan a reakshoná? “Nan a yuna i resa hopi, i nan a bira mas i mas fuerte den nan humildat, i mas i mas firme den e fe di Cristo, te ku nan almanan a yená ku alegria i konsuelo” (Helaman 3:35). Un otro ehèmpel a okurí despues di añanan di guera. “Pasobra di e sumamente gran largura di e guera entre e Nefitanan i e Lamanitanan hopi a bira duru, … i hopi a bira suave pasobra di nan aflikshonnan, en tantu ku nan a humiliá nan mes dilanti Dios “ (Alma 62:41).

Nos kada un ta skohé nos reakshon riba duru.

Promé di e yamamentu aki mi tabata un konsultante finansiero na Houston, Texas. Mayoria di mi trabou tabata ku multimionarionan ku tabata doño di nan mes negoshinan. Kasi tur di nan a kreá nan negoshi eksitoso for di nada dor di hopi trabou duru. E parti mas tristu pa mi tabata pa skucha algun di nan bisa ku nan tabata kier has’é mas fásil pa nan yunan. Nan no tabata kier nan yunan sufri manera nan a hasi. Den otro palabra, nan lo priva nan yunan di e mes kos ku a hasi nan eksitoso.

Di otro banda, nos konosé un famia ku a tuma un diferente aserkamentu. E mayornan tabata inspirá pa J. C. Penny su eksperensia unda su tata a bis’é ora e la hasi ocho aña ku e tabata riba su mes finansieramente. Nan a bin ku nan mes vershon: manera nan yunan graduá di skol sekundario, nan tabata riba nan mes finansieramente—pa mas edukashon avansá (manera universidat, gradua di skol i pa nan mes mantenshon finansiero (berdaderamente outosufisiente) (wak D&C 83:4). Felismente, e yunan a reakshoná sabí. Nan tur di a gradua di skol avansá, i hopi di nan tambe a kumplí skol despues di graduá universidat—tur riba nan mes. E no tabata fásil, pero nan a hasié. Nan a hasié ku trabou duru i fe.

E pregunta “nos ta konfiá E? por ta mihó hasí [komo], nos tin e fe pa konfia den djE?

Nos tin e fe pa konfia den Su promesanan tokante diesmo ku 90 (porshento di nos entrada plùs Señor Su yudansa, nos ta mihó ku e 100 porshento di anual riba nos mes?

Nos tin sufisiente fe pa konfia ku E lo bishita nos den nos aflikshonnan (wak Mosíah 24:14), ku E lo lucha ku esnan ku lucha kontra nos (wak Isaías 49:25; 2  Nefi 6:17), i ku E lo konsagrá nos aflikshonnan pa nos ganashi? (wak 2  Nefi 2:2).

Nos lo ehersé e fe nesesario pa warda Su mandamentunan pa asina E por bendishoná nos temporalmente i spiritualmente? I nos lo kontinuá fiel te na final pa asina E por risibí nos den Su presensia? (wak Mosíah 2:41).

Rumannan, nos por tin e fe pa konfia den djE! E kier loke ta mihó pa nos (wak Moises 1:39). E lo kontesta nos orashonnan (wak D&C 112:10). E lo warda Su promesanan (wak D&C 1:38). E tin e poder pa warda e promesanan ei (wak Alma 37:16). E sa tur kos! I mas importante, E sa kiko ta mihó (wak Isaías 55:8–9).

Nos mundu di awe ta difísil. Nos tin maldat sin freno, korupshon den kada nashon, terorismo alkansando asta lugánan sigur, kolèpsnan ekonómiko, desempleo, malesa, desasternan natural, gueranan sivil, lidernan despótiko, etc. Kiko nos mester hasi? Nos ta hui of bringa? Kua ta korekto? Tur dos eskohonan por ta peligroso. E tabata peligroso pa George Washington i su ehérsito pa bringa pero tambe pa nos antepasadonan pionero pa hui. E tabata difísil pa Neslon Mandela pa lucha pa libertat. E la wòrdu bisá ku pa maldat prevalesé, e ta solamente nesesario pa bon hende hasi nada.⁴

Den kualke kos ku nos hasi, nos no mester disidí òf aktua riba un spiritu kobardia. Berdaderamente, “Pasobra Dios no a duna nos un spiritu di [kobardia]” (2 Timoteo 1:7).). (Bo ta realisá e idea pa “no tin miedo” ta enfatisá den henter e skritura?) Señor a siña mi ku deskurashamentu i miedo ta hèrmèntnan di e atversario. Señor Su kontesta riba tempunan duru ta pa bai dilanti ku fe.

Kada un di nos por tin diferente opinion tokante kiko ta duru. Algun por konsiderá ku e ta duru pa paga diesmo ora plaka ta pèrta. Lidernan tin biaha ta hañ’é duru pa spera e pobernan pa paga diesmo. E por ta duru pa algun di nos pa bai dilanti ku fe pa kasa òf pa tin un famia. Tin di nan ku ta hañ’é duru pa “ta kontentu ku [loke] Señor tin parti pa [nan]” (Alma 29:3). E por ta duru pa ta kontentu ku nos yamamentu aktual (wak Alma 29:6). Disiplina di Iglesia por parse hopi duru, pero pa algun e ta marka e komienso di e berdadero proseso di arepentimentu.

Independientemente di e asuntu, duru por ta bon pa esnan ku lo move pa dilanti ku fe i konfia den Señor i Su plan.

Mi rumannan, mi ta testifiká ku e lidernan aki sintá tras di mi ta yamá di Dios. Nan deseo ta pa sirbi Señor bon i yuda nos establesé e evangelio den nos kurason. Mi ta stima i sostené nan.

Mi ta stima nos Salbador, JesuCristo. Mi ta maravia ku El a stima e Tata i nos sufisiente pa bora nos Salbador i Redentor, ku pa hasi esei E mester a sufri asina ku e la kous’é “pa tembla pa via doló, i pa sangra na kada porio, i pa sufri tin kurpa i spiritu” (D&C 19:18).Tòg enfrentá ku e prospekto teribel aki i su nesesidat, E la afirmá na e Tata, “…no hasi loke Ami ke, ma loke Abo ke” (Lukas 22:42). Mi ta gloriá den e angel su palabranan: “E no t’aki; El a resusitá” (Mateo 28:6).

Su ehèmpel berdaderamente ta “e kaminda, bèrdat i bida” John 14:6). Solamente pa siguí e ehèmpel ei nos por haña “pas den e mundu aki, i bida eterno den e mundu binidero” (D&C 59:23). Segun mi tabata sigui Su ehèmpel i apliká Si enseñansanan, mi a siña pa mi mes ku kada un di Su promesanan ekstremadamente grandi i presioso” (2 Pedro 1:4) ta bèrdat.

Mi deseonan di mas grandi ta pa para ku Mormon manera un berdadero disipel di JesuCristo (wak 3 Nefi 5:13) i pa un dia skucha di Su boka, “Bon hasí! Bo ta un [sirbidó] bon i fiel” (Mateo 25:21). Den e nòmber di JesuCristo, amèn.