Otebedel a Babier er a Mormon

Sera kuumiting lobengterir a re elders er a Ikelesia, e a Profet Joseph Smith a uluuchais: “Nguu a Babier er a Mormon, me a tekoi er a ocholt, e ngar er ker a klechelid er kid? Ng diak a dobang.”¹ Rodam me a rodos er ngak, uriul er a Kot el Ues, e a ongasireng el otebedel a Babier er a Mormon sei a ongerung el klou a ultutelel el dauch er a omoket er a olutel a ebangkelio er a Jesus Kristo er a uriul klebesei. Ng olecholt er a klaumerang er a beltkil a rengul a Dios el mo er a rengelekel, me a diak el bechechelingaoul er a Rubak el Jesus Kristo me a omelenget el chedaol tekangireng, me a sel meringelchad osisecheklel er a delongelir a re Nephites uriul er a Okisel er a Kodall.² Ng dirrek el olecholt er a klaumerang er tirke el medechel el chad er a blai er a Israel a di mo tang el okiu a Urerel er a uriul-klebesei me tir a diak bo le nguemed el mo cherechar.³

Sel dosuub er a otebedel tia el chedaol el babier er a chedaol llechukl er a ika el uriul el klebesei, e ke de mo melechesuar el kmo tia el rokir a mengasireng—er a Profet el Joseph el melai aike el tibereberek el sinstsyu er a chedaol el anghel el mora oiidel el okiu a “sengk me a klisichel a Dios,”⁴ kerremelel, me a otebedel lokiu a chimal a Rubak.

A otebedel a Babier er a Mormon a ulemuchel er a kmal uchei er a Joseph Smith a lengai aike el tibereberek el sinstsyu er a chimal a anghel el Moroni. A Reprofet er a ngara mong a ulemlaoch el kirel tia el chedaol babier el mucholt er a temed.⁵ Isaia a milngedecheduch er a mla merenged el babier, el kmo se el mucholt e a rechad a mo kautitekangel el kirel a tekingel a Dios. Tia el blekeradel a techall el mo uchul e a Dios mo sebechel el remuul aike el “klebokel e mengasireng el Urerel,” el mo uchul e a “llemesir a tirkel kot mellomes a rengrir [a mo] nguemed, me a klaumedengei er tirke el tir a kerekikl [el] mo obart,” e tirke el tir a medememek a rengrir a mo “muut el ngara klou el deureng er a Rubak, me a remechebuul a mo oldeu a rengrir er a Di Tang el Chedaol er a Israel.”⁶ Ezekiel a ouchais el kirel sel kerrekerul a Judah (Chedaol Llechukl) me a kerrekerul a Ephraim (Babier er a Mormon) el mo uldak el di mo tang. A Ezekiel (er a chelsel a Chuodel el Renged) me a Lehi (chelsel a Babier er a Mormon) ouchais el kmo ng kirir el “dmak el mukeroul” el mo uchul a rrau el reng er a cheleblad el osisechakl, e mo uchul a budech, e ngoikid el mora klaumedengei el kirel a telbiil.⁷

Kebesengei er a September 21, 1823, edei el rak uriul er sel Kot el Ues, a anghel Moroni a uleldingel er a Joseph el edei el taem, ngike el mle ulbongel el profet er a re Nephites er a beluu er a cheuodel el Merkil, el uchul a meral ngara rengul el nglunguchel. Chelsel tia el odingel el ngii a mlar er ngii el ta el kesus, a Moroni a uluuchais er a Joseph el kmo a Dios a ngar er ngii a klebokel el ureor el mo er nigh el bol kedmeklii—oidel me a otebedel el mo er a beluulechad a tekingir a remellomes el profet er a rechuodel er a beluu er a Merikel.⁸ A bolkukuk, a Joseph a mlo er sel basio, diak el sal cheroid er a blil, el ngii aike el tibereberek el sinstsyu a le dilakl er ngii a Moroni er a ulebongel el sils er ngii, dart el rak er a mla memong. Sei e a Joseph a liluut el mesa Moroni, e ngii a childerderii el mo mengedmokl er ngii el mo ngmai aikal tibereberek el sinstsyu er a ngar medal taem.

Chelsel a eua el rak, September 22 er a bek el rak, e a Joseph a ngmai a muut el omesodel er a Moroni el kirel a klaumedengei el kmo mekera e a rengedel a Rubak bo el mechedereder er aika el uriul el klebesei. A omengedmeklel a Joseph a dirrek el ulsiseb er ngii a odingel er a reanghel er a Dios, me a dirrek el beketel a klebekelel me a klebkellel a tekoi el ngii a mo duubech er aika el uriul el klebesei.⁹

A chebechiielel el mora Emma Hale er a 1827 a mle tebechedel tia el omengedmokl. Ngii a mla er ngii a kmal klou a ultutelel el ngerchelel el olengeseu er a Profet er a chelsel a klengar er ngii me a osisecheklel. Ng klemerang, chelsel a Ongetiu el Buil er a rak er a 1827, a Emma a milngelim er a Joseph el mora bukl el ngii a blel delakl er ngii aika el tibereberek el sintsyu, e milngiil er ngii e a anghel Moroni a milsa aika el lechukl er a chimal a Joseph. A Joseph a ngiluu a yaksok el kmo aike el tibereberek el sinstsyu a mecheluolu alsekum e ng rullii er a rengul el mo mengedmokl el mo er sel team el ngii a lmuut el mora chimal a Moroni.¹⁰

Betik er a renguk el resechelik er a chelsel tial ebangkelio, tekoi er a ngara mong el debetik er chelechal team a oumesingd el duubech er a chelsel a omengiis el chiius me a lechub e kede kuk di metik sel doruul a doleketek a kmung ngerang er a kldaiksang. Joseph Smith, a kuk tang, a milokrael el mora ikel tibereberek el sinstsyu el okiu a anghel. Sel omeruul el di ngii a mengaisireng.

Tia el teletelel er a oiidel a Babier er a Mormon meng dirrek el ongasireng. Tia el babier er a reksi a dimlak el “moiiuid” el ngara teletael er a ngara mong el ulsemuul el chad er a omeluches a mesuub er a tekoi er a ngara mong el taem. Ke de locha omes er tia el teletael el uaia “ocholt” el obengkel a dongu er a Rubak, el diak el ua “moiiuid” er a klemedengei er a chad er a bek el bedengel a omelekoi. A Joseph Smith a melekoi el kmo ngokiu a klisichel a Dios e ngii a “uleliuuid er a Babier er a Mormon er a [zunga er a olechotel a tekoi], klemedengei el ngii a ririid er a beluulechad, el mengasireng el tekoi a dilubech e ngak a di mle [ngak], el oba klengeasek el klaumedengei, el mo mengaisichai er a klaumedengei er a beluulechad, e omkuuk er a rrau el reng er a teruich me a eai el dart el rak, el oba beches el ocholt.”¹¹ A ngelsuil a Dios er a oiidel aikel tibereberek el sinstsyu— me a lechub e ng ocholt, domekedong er ngii— a dirrek el olechotel sel domes er a mengasireng el kedeb el team el Joseph a uluusbech el oleiiuid er ngii.¹²

A chad er a omeluches er a Joseph a dirrek el ulecholt er a klaumerang er ngii er a klisichel a Dios el ngii a mlocholt er a loureor el oleiiuid er a Babier er a Mormon. Oliver Cowdery milekoi er a ta el team: “Aika e a klebesei el diak dobes—el dengchokl er a cheungel a ngor el ngii a muchais el okiu a lemesel a Babeluades, ulkiis er a kot el dmolech el omereng el saul er tia el chaidireng! Cheuib a tela el klebesei e ngak a milemolem, el diak a meleb er ngak, ak milluches el oltirakl er a ngerel, e ngii oleiuiid er a … ‘Babier er a Mormon.’”¹³

Simbung er a reksi a olecholt el kmo sera taem er a Joseph er a lengai aike el tibereberek el sinstsyu er a 1827, e ng betok a remellasem el merechorech aikei er ngii. Ng milekoi el kmo “a kot el meringel el omelasem el melai [aike el tibereberek el sinstsyu] er [ngii]” e a “rokui el uldasu el mo meruul a milkedmokl el mo er sel telkelel.”¹⁴ Ngera ulebongel e a Joseph me a Emma a mlodik er a Manchester, New York, e mo er a Harmony, Pennsylvania, el osiik er a basio el mo melelmollem er a ureor er a oliiuid, el cheroid er a mekngit el chad me a rechad el tir a sorir el merechorech aike el tibereberek el sinstsyu.¹⁵ El ta er a chedal a ibetel a cherechar a milluches: “Tia a ulebengelel a kot el meringel el dauch er a Joseph el mengkar aika el tibereberek el sinstsyu. … Uaisei e a rekord a mle keldmokl,e ngii a meringel el mengerreomel er ngii e diak a oumededenger el kmo Joseph a mla smuub a betok el rolel a Dios me a chad el ngii a mo ungil olengeseu er ngii er a taem el merael mei.”¹⁶

Sera loleiuiid er a Babier er a Mormon, a Joseph a silubii el kmo a Rubak a mo melilt er a re mo sioning el mo mes aike el tibereberek el sinstsyu.¹⁷ Tia a tebechedel sel Rubak a Ngii a kildmeklii sera Lolekoi, “Okiu a ngerir a reterung me a retedei el sioning e a rokui el tekoi a mo mekedmokl.”¹⁸ Oliver Cowdery, David Whitmer, me a Martin Harris, tir a mle bebir er a chelmongel er a omengedmeklel a klebokel el urerel a Dios er tia el uriul klebesei, me a dirrek el kot el sioning el mukedong el mo olecholt er a tokubets el klaumerang er a Babier er a Mormon el mei er a beluulechad. Te mle ouchias el kmo a anghel, el ngii a mlei el mla er a medal a Rubak, ulechotii er tir sel cheduodel el llechukl e tir a miles aikal llechukl el ngara tial tibereberk el sinstsyu. Te dirrek el uluuchais el kmo the rirengesii a otto er a ngerel a Dios el mla er a babeluades el kmo tial llechukl a mlo iiuid lokiu a sengk me a klisichel a Dios. E tir a milchedereder el mo sioning er ngii el mo er a beluulechad er rokir.¹⁹

A Rubak a mengsireng el lomekdong a bebil er a eiai el sioning el mo mesang tial tibereberk el sinstsyu el kirir e mo tokbutes el sioning er a klemerang me a chedaol er a Babier er a Mormon el mo er a beluulechad. Te uluuchais el kmo te miles e ulemtab aike el tibereberek el sinstsyu me a delasech el kata. El dirrek el ngara chelsel a cherarou, odik, me a bebil er a ongarm, me a dirrek el bebil er tir a mesim a klaumerang er tir, tirka el teruich me a tang el miltutk el mo sioning er a Babier er a Mormon a dimlak a taem mel kotouar er a klaumerang er tir el kmo te miles aikel tibereberek el sintsyu. Joseph Smith a dimlak di lengii el tang el oba klaumedengei er a odingelel a Moroni me a ikel tibereberek el sinstsyu.

Lucy Mack Smith a dirrek el milluches el kmo a ngelekel a mle remei el mui er a deureng uriul er tirke el mle sioning a mucholt aikel tibereberek el sinstsyu el mo er tir. A Joseph a silodii el mo er a rechad er blil, “Ak kumelechesuar el kmo ak milngai a berraod el ngii a kmal mlo oberaod er ngak el oltekau, ng deuil a renguk, el kmo ngak a diak el dil lengak er tia el beluulechad.”²⁰

Joseph Smith a mlo chelbangel a cherarou er a otebedel a Babier er a Mormon sera oiidel a merema er a ulebongel. Ngii a mlo sebechel el mengesuseu er a chad er a omeluches el simbung el Egbert B. Grandin er a Palmyra, New York, el mo oltobed er ngii alsekum e a Martin Harris, el okiu a omerellel a klou el klaumerang me a omelenget, el mo olsirs er a sersel el mo cheral tia el omeluches. Dirrek el omelemolem el cherarou uriul er a otebedel a Babier er a Mormon, a Martin Harris a kilengei el oterur a 151 acre (0.6 km²) er a sersel el mo mengkad a cheral. Okiu a ocholt el mora Joseph Smith, e a Rubak a milngedereder er a Martin Harries el lak bol mekngit a rengul el kirel a chetemel el mo mengkad er a cheral a otebedel a babier el ngii a “oba klemerang me a tekingel a Dios.”²¹ A Ongedei el Buil er a rak er a 1830, e a kot el eim el telael el Babier er a Mormon a tilobed, e chelechang e ng betok er a dart me a okai el miliol a idisel el mla meluches er a betok er a dart el omelekoi.

Aikal klemerang er a reksi me a retokubets el sioning er a Babier er a Mormon a uluuchais el kirel tial otobedel a mle mengasireng. Osisiu el taem, a klisichel tia el babier a diak el dil ultuil er a klebokel el reksi ng bai klisichel, me a diak a mo uaingii el cheldecheduch el mla mngodech a betok el klengar—uldimukl er ngak!

Ng mle ketengek el oiuii a Babier er a Mormon el rokir se er ak ngeasek el ngalek er a seminary. El dilu er ngak a resensei er ngak, ak ulemuchel el menguiu er a omesodel. A yaksok el uldimukl er a chelsel aike el kot el llel a babier a dirk omelekl er a uldesuek: “Momtab er a [chelsel] a rengum … , e mo … oker er a Dios [el oba klaumerang] … el ngara ngklel a Kristo alsekum tia el babier a klemerang. Tirke el tir a meruul er tia el omeruul … e mo nguu a olchotel a klaumerang me a chedaol lokiu a klisichel a Chedaol Reng.”²²

Lobengkel tial yaksok el ngara uldasou, klemerriareng el losiik el mo medengei el kirel a betok e klemerang, me ngara chelsel a nglunguuch er a deleb, Ak milsuub er a Babier er a Mormon, telkib me a telkib, e ak milelemii a urelek er a tal sandei er suobel er a seminary. Ak dobedebekii, el di ua chelii, sel mekeald el kimots el mekekokil el lomuchel el ungil er a chelsel a delbengek e mekekii a renguk, mlo ungil a klaumedengei er ngak, e mo ungil, ua sel luldasou el ngii a Alma er a losisechakl a tekingel a Dios el mo er a rechedal.²³ Tia el omelechesuar a ulebult el mo klaumedengei el ngii moo delalem er a chelsel a renguk e mlo dodo er a olechotel a klaumerang er ngak er aika el tokubets el tekoi el dilubech me a osisechakl el debetik er a chelsel tia el chedaol babier.

Ngokiu aikang me a bebil lungil el omeruul, a Babier er a Mormon a mlo klisichel sel ngii a dodai e oldubech er a klaumerang er a ngak er a Jesus Kristo me a olchotel a klaumerang er ngak er a osisecheklel a ebangkelio er Ngii. Ng mlo ta er a ikel klisichel el ngii a ouchais er ngak er a chedaol el tenget el tangkireng er a Kristo. Ng mlo tekerengel a klaumerang er ngak er a omelasem er a cherarou el mo mengitechut er a klaumerang er ngak e omdalem er a diak loumerang er a chelsel a uldesuek e meskak a klisichek el mo bleketakl el ouchais er a olechotel a klaumerang er ngak er a Osobel el mora beluulechad.

Resechelik, a olechotel a klaumerang er ngak er a Babier er a Mormon a mlei el mekekokil²⁴ el ua mengasireng er a chelsel a renguk. Me lmuut er chelechang, sel klaumerang a melemolem el meleketek el ngak a melemolem el osiik, el oba meral reng, el mo mui el medengei a tekingell a Dios el ngii a ngara chelsel a tial klebokel el hong er a chedaol llechukl.

Mo er a rokui el rongesak er chelechang, ak mengemedaol er kau el mo tebechedel tia el mengasireng el otebedel a Babier er a Mormon er a klengar er kau. Ak yaksok er kau el kmo sel moluluuch e blechoel el mesuub aikal tekoi, eng sebechem el mo nguu sel yaksok me a mui el klengeltengat er a klengar kau. Ak lemuut el louchais el kmo tial yaksok a mocholt er a bek el llel a babier er chelsel: a lskeum e ko “moker er a Dios, el Diak a Ulebengelel Chedam, el ngara ngklel a Kristo, el kmo aika a diak el klemerang; e a lsekum eng meral ngarngii er a rengmiu, loba blakelreng, me a klaumerang er a Kristo,” e ngii a “mochotii a klemerang leko er kemiu, lokiu a klisichel Chedaol Reng.”²⁵ Ng sebechek el ouchais er kau el kmo Ngii a mo onger er kau el okie a mimokl el rael, el Ngii a mla rulii el mer ngak me a betok el bebil el meliuekl er a beluulechad. Sel tekoi el duubech el mo er kau a kmal mo klebokel e chedaol el mo er kau el ua Joseph Smith, me tirke el kot el mle sioning me a dirrek el rokui el tir a mla osiik el mo nguu a olechotel a klaumerang er a meral klemerang me a klikiid er tia el chedaol el babier.

Ak kuuchais a sioning er ngak el kmo a Babier er a Mormon a ngii a tekingel a Dios. Ak olecholt el kmo sel chedaol el llechukl “a mo rulii sel osisechakl er a ebangkelio, rulii el uldasou er a mo suobel, e ouchais er rechad el kmo ngera a kirir el meruul el mo nguu a budech er a chelsel tial klengar me a diak a ulebengel el mo suobel er a chelsel a klengar el mei.”²⁶ Ak signing el kmo a Babier er a Mormon a dongu er a Dios el mo mengideb er a Israel er temed e mo olngeseu er a rechad el kmo medengelii a Ngelekel, Jesus Kristo. Ak olecholt el kmo a Dios a ngar e betik a rengul er kid me a Ngelekel, Jesus Kristo, a Osebelel a beluulechad, e ngii a merdelel a klechelid er kid. E ak melekoi aikang el ngara chedaol el ngklel a Osbeled, Mastang er kid, me a Rubak er kid, dirrek el Jesus Kristo, bol uaisei.