Mekengii a Babeluades el kirel a Ngesou
Mei e dotaut a klaumera er kid er a Rubak el Jesus Kristo el mo ngara omeruul!
Ng meral tokubets e klebokel tia el ongdibe! Ko Mesulang, e Laudy me a Enzo. Kom dirrek lomtechei er a remeang el ngeasek el redil me a srechal er a Ikelesia.
Rodam me a rodos er ngak, kede mla remenges a kmal betok el tekoi er chelechal sils el kirel Olutel a Ikelesia—el ngii el Ikelesia a letilketekii a Osobeled, el Jesus Kristo, er a lengara beluulechad. A Oluut a ulemuchel er a erul dart el rak ra memong el Dios el Chedam me a Ngelekel Sechal, el Jesus Kristo, a dilum er a ngeasek el Joseph Smith.
Teruich el rak ruirul er tia el meang el ues, e a Profet Joseph Smith me a reteim el chad a mlokedong el mo kot el chedal a mla moluut el Ikelesia er a Rubak.
Ng mla er tiaikid el kekerei el chelechad er sera April 6, 1830, e mla mekdebechii a chelechad er a robdois er a teruich me a elolem el milion el chedal. A klungiaol lekedmokl tial Ikelesia er a beluulechad el rokir el kobekakl a ringel er a rechad e mesebechakl er a rokui el chad a rebetok a medengelii. Eng di sel kmal moktek er ngii a ngosuterir a rsechal, redil, me a telungalk el mo oltirakl er a Jesus Kristo, e oltirakl a Llechul, me bo lenguu sel kot el ngarbab er a rokui el klengeltengat—el ngii a diak a ulebengelel klengar lobengkel a Dios me a rebetik er a rengrir.1
Chelecha el doudkeu er a teletael lulemuchel er sera 1820, eng klou a belkul dolatk el kmo ng uaisei el dongull er a Joseph Smith el profet er a Dios, eng di tia diak el ikelesia er a Joseph Smith, me a diak el ikelesia er a Mormon. Tiaikid a Ikelesia er a Jesus Kristo. Ngii a ultebedii a tekoi el kirel mo ngklel a Ikelesia er Ngii el kmo tiakid a mo ngklel a ikelesia er ngak er a uriul klebesei, el mo Ikelesia er a Jesus Kristo er a Uriul-klebesei el Santo.2
Ak mla melekoi ruchei el kirel a meral teletael kired el mo obang sel demekedong er a ngklel a Ikelesia.3 Seikid el taem el me er chelechang, eng betok a mla mekedmokl el kirel. A kmal mereng a sulel a President M. Russell Ballard me a cherrengelel a Chelechad er a Terucih me a teru el Apostol, el kmal klou a bla el relii el kirel me a dirrek el ikel bebil er a tekoi el bo kusaod er chelechal kebesengei.
A rmengeteklel a Ikeleisa me a deparment , me a ikel bebil er a rechelel, me a remilion el chedal—me a lmuut el bebil—er a rechad er a ousbech er a meral ngklel a Ikelesia er chelechang. A meral ulterekokl el teletelel a Ikelesia a mla mengodech. Sel website er a Ikelesia er chelechang a ChurchofJesusChrist.org. A adres er a rua email, me a ngakl, me a bek el techetechel a social media meng mla mengodech. A rebetik er a rengud el chad er a chelitakl a mla mo The Tabernacle Choir er a Temple Square.
Aki mla meringel loureor kirel aikang le sel sekum e kede ngubetii a ngklel a Rubak er a ngklel a Ikelesia er Ngii e, kid a uaia dongeroid er Ngii el modaik el moktek er a omengull er kid me a klengar kid. Sera demetecholb e denguu a ngklel Osobel, e kede ulterkeklii a sioning er kid, lokiu a omelkinged, uldesued me a omerelled, el kmo a Jesus a Kristo.4
Ak mle yasksok ruchei, el kmo alsekum e kede “mo er sel tkul er bab el sebeched lolutii a meral ngklel a Ikelesia er a Rubak,” e Ngii a “mo otengelii a Klisichel me a klengeltengat er Ngii el mo er a Ruriul-klebesei el Santo, el dirkak a tal deues.”5 A klmuut el dulii tial yaksok er chelechang.
Sel mo ngosukid el mo melbedebek e dongchii a Ikelesia er a Jesus Kristo er a Uriul-klebesei el Santo el kmo ng Ikelesia er a Rubak, eng somam lochotii olangch el melutk el kirel a basio er a Jesus Kristo er a chelsel a Ikelesia er Ngii.
Tia lolangch a uldimukl er ngii a ngklel a Ikelesia el dodai er ngii. A Jesus Kristo a ngii a kot el dodai.6
A ngara belngel tia lolangch a lecheklel a bad el dilukai er a Thorvaldsen el Kristus. Ngolecholt er a mla mekiis er a kodall e, ngar el Rubak lomerk a chimal mo er tirkel rokui el mei er Ngii.
Tia melutk el kirel a kmo, a Jesus Kristo a dechor cheungel a arch. A arch a mekletkid el kirel okiis er a kodall er a Osobel el milkiis er a debull er a ongedei el klebesei ruriul er a Lemekrus.
Tial lolangch a kirel lodengeli a rebetok el chad, le kede meketeketa loba mla molut el ebangkelio er a ngar, e mla mekiis er a kodall el Kristo.
Tial lolangch er chelechang a mo bereked lolengchelel aikel tuobed el babier, chais, me a teletael er a Ikelesia.7 Ng mo omeklatk er kid el rokui el kmo tiang a Ikelesia er a Osobel e a ikel rokui el doruul el rechedal a Ikelesia er Ngii, a melutk el kirel a Jesus Kristo me a ebangkelio er Ngii.
Chelecha, e rodam me a rodos er ngak, a klukuk eng Palm Sandei, el Elder Gong a dirrek el kmal unigl mla osischeklii. E kid a soiseb er a tokubets el sandei er a Pasqua. Kid a roltirakl er a Jesus Kristo, el kiei er a taem el bekeiuiuul el secherel a COVID-19 a mla sisebii a beluulechad er a uldikel, e a kulengit me lak di dosaod er a Kristo a lechub e domerk el kirel a Kristo a lechub e deko er a di olengchelel a Kristo.
Mei e dotaut a klaumera er kid er a Rubak el Jesus Kristo el mo ngara omeruul!
Ko medengeil, el rechedal a Ikelesia oltirakl er a llach er a olsengerenger er a bek el buil.
A osisechakl el kirel a sengerenger a mla ngara rechuodel. Ng mlotirakl er a remesiich el chad er a biblia er a irechar el mei. A Moses, David, Ezra, Nehemiah, Esther, Isaiah, Daniel, Joel, me a lmuut el betok a ulsengerenger e ulisechakl el kirel a sengerenger.8 Ngokiu a lulluches a Isaia, e a Rubak a millekoi el kmo: “Tia ng diak el sils er a sengerenger el bla ktetkii? el mo kodekedii a lechetel a klengit, e kobekakl a berraod, me a rengar ringel bo el mimokl?”9
A Apostol Paulus a milngelechel er a Resanto er a Korint el kmo “bo mol sengerenger e mngara nglunguuch.”10 E a Osobel a Ngii a dilu el kmo a bebil er a tekoi lak el bo “lak moruul e di mlemolem el ngara nglunguuch me a olsengerenger.”11
Ak dirk millekoi lokiu a video er a social media el kmo “ngak el toktang e chad er a botk, a kmal dmolech omengull er ngak el mo er a rechad er a ukeruul, rescientists, me a lmuut el bebil el tir a diak lolengull loureor el kirel a secherel a COVID-19.”12
Chelecha, el Kurredel er a Ikelesia er a Jesus Kristo er a Uriul-klebesei el Santo e Apostol er a Jesus Kristo, e ak medengeiel k mo a Dios a “olab a rokui el klisiich, rokui llomes, me a rokui el klemedengei; e ngii a medengei a rokui el tekoi, e ngii a chubechub el Chad, el kirel osebelir, tirkel mo ouchel a rengrir e oumera er a ngklel.”13
A leuaisei, e chelechal taem er a ringel, el ua tial taem el secher a mla mo bekuiuiuul, e sel kot el tekoi el doruul er kid a mo omekedong er a Chedam er a Babeluades me a Ngelekel Sechal—el Mastang Lomekungil—el mo chotii a mengasireng el Klisichir el mo omekngeltengat er a rechad el ngara beluulechad.
Sel klemechek el mla er a video, e ak mle siotai er a rokiu el chad el mo dmak e olsengerenger er a Sandei, el March 29, 2020. Betok er kemiu a mla mesa tial video e mlo olsengerenger. Ea rebebil a locha dirkak. Chelecha e kede dirk ousbech a ngesou er a babeluades.
Me chelechal kesus, e rodam me a rodos er ngak, e sel reng luleba rengelekel a Mosiah, el tir a ulsengerenger e milulluuch,14 e dirrek el telengtengil tia el klou longdibel er chelechal April 2020, e a kumekedong er a beluulechad el rokir el muut el mo olsengerenger. Tirkel rokui el mesisiich a bedengir, bo dedak e dolsengerenger, e doluluuch, e deluut lodak a klaumera er kid. Bo dengara nglunguuch lolengit a ngesous el kirel tial bekuiuiuul secher el ngara beluulechad.
Ak siotai er a rokui, luldimukl er a rediak el chedal a klechelid er kid, el mo olsengerenger e ngara nglunguuch er sel sils er a Ungil Longeim el Ureor, el April 10, me tial bekuiuiuul secher bol chelelakl, me a rechad lomekerreu bo lemucheliu, me a kerruul bol meisiich, me a klengar luut er a smechel.
Ng mekera dolsengerenger? Erul blengur er a chelsel a lluich me a eua el sikang a blechoel teletelel. Eng di sebechiu lomdasu el kmo ngera sel bom charm er rulii, e molbedebek er a ongarm el Osobel a kildmeklii el kirem. Bodedak e dengara ongit el kirel omekungil el mo er a beluulechad el rokir.
A Ungil Longeim el Ureor a kmal ungil sils el Demad er a Babeluades me a Ngelekel sechal a rongesid!
Kemiu el rodam me a rodos, a kudersii a dmolech el beltkil a renguk leko er kemiu, lobengkel a klaumera er ngak er tial chedaol ureor el kid a ngara chelsel. Tiaikid a Ikelesia er a Jesus Kristo er a Uriul-klebesei el Santo. Ngii a dechor medal e omekrael aike el rokui el doruul. Ak medengei el kmo Ngii a mo onger ongterir a Rechedal. Ak olecholt er a klaumerang er ngak loba ngklel a Jesus Kristo, amen.